បារាំង៖ យោងតាមសេចក្ដីរាយការណ៍បានឲ្យដឹងថា ក្លិបបិសាចក្រហម Manchester United និង ក្លិបមេឃខៀវ Manchester City បានដាក់សំណើផ្ទេរយកខ្សែការពារក្រុម Angers កីឡាករ Rayan Ait-Nouri។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរនាំងការពារវ័យ១៩ឆ្នាំ បង្ហាញខ្លួន ក្នុងលីគកំពូលបារាំងបាន១៧ប្រកួតនៅរដូវកាលនេះ ខណៈរដូវកាលមុនជាពេលដែលគេ ចូលលេងក្នុងឈុតធំជាលើកដំបូង បង្ហាញខ្លួនបាន៣ប្រកួត។
ទម្រង់លេងរបស់ Ryan បានទាក់ចិត្តក្លិបធំៗជាតំបន់អឺរ៉ុប ក្នុងនោះក្លិបយក្សនៅទីក្រុង Manchester ទាំងពីរសុទ្ធតែចាប់អារម្មណ៍ចង់បានរូបគេ។
ជាក់ស្ដែងយោងតាមរបាយការណ៍របស់កាសែត Foot Mercato ទាំង Man UTD និង Man City បានធ្វើការទាក់ទងទៅតំណាងរបស់ Ryan លោក Jorge Mendes ដោយបានដាក់សំណើដើម្បីផ្ទេរយកខ្សែការពារវ័យក្មេងរូបនេះ មកលេងនៅក្របខណ្ឌ Premier League ។
មិនត្រឹមតែប៉ុណ្ណោះ ប្រភពខាងលើបានបន្ថែមទៀតថា Ryan រួមជាមួយភ្នាក់ងាររបស់បានធ្វើដំណើរទស្សនៈកិច្ច មកកាន់ប្រទេសអង់គ្លេស ដោយឈាងចូលមកមើលកន្លែងហ្វឹកហាត់របស់ ក្លិប Man UTD និង Man City ថែមទៀតផង។
គួរឲ្យដឹងដែរថា ក្រៅពីបងប្អូនត្រកូល Manchester ទាំងពីរ នៅមានក្លិបចំនួន៦ទៀតដែលចង់បាន Ryan ទៅរូមក្រុម ក្នុងនោះរួមមានក្លិប Atletico Madrid, Wolves, Leicester, PSG, Crystal Palace និង Monaco ខណៈកុងត្រារបស់គេជាមួយក្លិប Anger នៅមានសុពលភាព៣ឆ្នាំទៀតឯណោះ ពោលគឺផុតកំណត់នៅរដូវកៅឆ្នាំ២០២៣៕
ប្រភព៖ thesun