បារាំង៖ យោងតាមសេចក្ដីរាយការណ៍បានឲ្យដឹងថា ក្លិបបិសាចក្រហម Manchester United និង ក្លិបមេឃខៀវ Manchester City បានដាក់សំណើផ្ទេរយកខ្សែការពារក្រុម Angers កីឡាករ Rayan Ait-Nouri

រនាំងការពារវ័យ១៩ឆ្នាំ បង្ហាញខ្លួន ក្នុងលីគកំពូលបារាំងបាន១៧ប្រកួតនៅរដូវកាលនេះ ខណៈរដូវកាលមុនជាពេលដែលគេ ចូលលេងក្នុងឈុតធំជាលើកដំបូង បង្ហាញខ្លួនបាន៣ប្រកួត។

  កីឡាករ Rayan Ait-Nouri

ទម្រង់លេងរបស់ Ryan បានទាក់ចិត្តក្លិបធំៗជាតំបន់អឺរ៉ុប ក្នុងនោះក្លិបយក្សនៅទីក្រុង​ Manchester ទាំងពីរសុទ្ធតែចាប់អារម្មណ៍ចង់បានរូបគេ។

ជាក់ស្ដែងយោងតាមរបាយការណ៍របស់កាសែត Foot Mercato ទាំង Man UTD និង Man City បានធ្វើការទាក់ទងទៅតំណាងរបស់ Ryan លោក Jorge Mendes ដោយបានដាក់សំណើដើម្បីផ្ទេរយកខ្សែការពារវ័យក្មេងរូបនេះ មកលេងនៅក្របខណ្ឌ​ Premier League ។

  កីឡាករ Rayan Ait-Nouri

មិនត្រឹមតែប៉ុណ្ណោះ ប្រភពខាងលើបានបន្ថែមទៀតថា Ryan រួមជាមួយភ្នាក់ងាររបស់បានធ្វើដំណើរទស្សនៈកិច្ច មកកាន់ប្រទេសអង់គ្លេស ដោយឈាងចូលមកមើលកន្លែងហ្វឹកហាត់របស់ ក្លិប Man UTD និង Man City ថែមទៀតផង។

  កីឡាករ Rayan Ait-Nouri

គួរឲ្យដឹងដែរថា ក្រៅពីបងប្អូនត្រកូល Manchester ទាំងពីរ នៅមានក្លិបចំនួន៦ទៀតដែលចង់បាន Ryan ទៅរូមក្រុម ក្នុងនោះរួមមានក្លិប Atletico Madrid, Wolves, Leicester, PSG, Crystal Palace និង Monaco ខណៈកុងត្រារបស់គេជាមួយក្លិប Anger នៅមានសុពលភាព៣ឆ្នាំទៀតឯណោះ ពោលគឺផុតកំណត់នៅរដូវកៅឆ្នាំ២០២៣៕

  កីឡាករ Rayan Ait-Nouri

ប្រភព​​​៖ thesun

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ