អ៊ីតាលី៖ នៅក្នុងរដូវកាល២០១៩/២០២០នេះកីឡាករ Zlatan Ibrahimovic បានធ្វើឲ្យអ្នកគាំទ្រគ្រប់គ្នាដឹងថាអាយុគ្រាន់តែជាតួលេខប៉ុណ្ណោះ ដោយតារាវ័យ៣៨ឆ្នាំរូបនេះរកបាន១០គ្រាប់និងបោះបាល់ឲ្យមិត្តរួមក្រុមបាន ៥លើកក្នុងការបង្ហាញខ្លួន១៩ប្រកួតឲ្យក្លិប AC Milan ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ដែរថា Zlatan បានផ្លាស់ពីក្លិប LA Galaxy មករួមនឹង AC Milan វិញនៅពាក់កណ្តាលរដូវកាលនេះ ក្នុងកិច្ចសន្យាតែ៦ខែប៉ុណ្ណោះ ដោយបានជួយឲ្យក្លិបធ្លាក់កូដមួយនេះមានកៅអីទៅលេងនៅពានរង្វាន់ Europa League រដូវកាលក្រោយ។ ស្របពេលជាមួយគ្នានេះ AC Milan ក៏កំពុងតែមានគម្រោងបន្តកុងត្រាជាមួយជើងចាស់រូបនេះ ២រដូវកាលទៀតផងដែរ មានន័យថារូបគេនឹងនៅលេងជាមួយក្លិបរហូតដល់អាយុ៤០ឆ្នាំ ក្នុងតម្លៃពលកម្មចំនួន ១០មុឺន៤ពាន់ផោន (ឬប្រមាណ១៤មុឺនដុល្លារ) ក្នុងមួយសប្តាហ៍។
លើសពីនេះទៅទៀត អ្វីដែលអស្ចារ្យនោះគឺនៅក្នុងការបង្ហាញខ្លួនរបស់ Zlatan ឲ្យ AC Milan ១៧ប្រកួតនៅ Serie A ក្លិបមួយនេះឈ្នះ១០ ស្មើ៥ និងចាញ់តែ២ប្រកួតប៉ុណ្ណោះ។ យ៉ាងណាមិញនៅមិនទាន់មានចម្លើយផ្លូវការនៅឡើយទេថាតើ Zlatan អាចនៅលេងនៅលីគកំពូលមួយនេះទៀត ឬក៏ផ្លាស់ទៅលីគកំពូលផ្សេង ដោយមានក្លិប Leeds ដែលទើបតែជាប់មកលេងនៅ Premier League វិញចង់បានរូបគេទៅរួមក្រុមផងដែរនោះ៕
ប្រភព៖ givemesport