អំបិល! Arsenal ខកចិត្តខ្លាំង ក្រោយតារាឆ្នើមរូបនេះ បន្តកុងត្រាថ្មីជាមួយក្លិបរហូតដល់ឆ្នាំ២០២៣

អាល្លឺម៉ង់៖ ក្ដីសង្ឃឹមរបស់ក្លិបកាំភ្លើងធំ Arsenal ក្នុងការចុះកុងត្រាយកខ្សែកាពារ Dayot Upamecano ត្រូវបានបញ្ចប់ បន្ទាប់ពីកីឡាកររូបនេះ បានបន្តកុងត្រាថ្មីជាមួយក្លិប RB Leipzig រហូតដល់ឆ្នាំ២០២៣។

Upamecano មានដំណឹងចចាមអារ៉ាមជាប់ពាក់ព័ន្ធជាមួយ​ Arsenal ក្នុងប៉ុន្មានរដូវកាលចុងក្រោយនេះ ដោយក្លិបរហស្សនាមកាំភ្លើងធំ ចង់បានរូបគេ មកដោះស្រាយបញ្ហាផ្នែកជើងក្រោម។

យ៉ាងណាមិញ ក្លិប Leipzig បានប្រកាសថា ខ្សែការពារឆ្នើមរូបនេះ នឹងមិនចាកចេញទៅណាពីក្លិបនោះទេ ដោយនៅរួមរស់ជាមួយក្លិបរយៈពេល៣ឆ្នាំទៀត។

ទាក់ទិនទៅនឹងរឿងកុងត្រាថ្មីនេះ Upamecano បាននិយាយយ៉ាងដូច្នេះថា៖

គួរឲ្យដឹងដែរថា Upamecano បានផ្លាស់ពីក្លិប Red Bull Salzburg មកចូលរួមជាមួយ Leipzig កាលពីឆ្នាំ២០១៧ ដោយបង្ហាញខ្លួនឲ្យក្រុមសរុបបាន១១១ប្រកួត។ ដោយឡែកសម្រាប់កុងត្រាថ្មីរយៈពេល៣ឆ្នាំនេះ ក្លិបរហស្សនាមគោក្រហម បានដាក់តម្លៃទិញផ្ដាច់កុងត្រារបស់ខ្សែការពារវ័យ២១ឆ្នាំ រហូតដល់ ៥៥លានផោន (ឬប្រមាណ ៧១លានដុល្លារ)៕

ប្រភព៖ dailymail