បរទេស៖​ អគ្គនាយកប្រតិបត្តិក្លិប Manchester United  លោក Ed Woodward កំពុងតែត្រៀមទុនក្នុងការចាយទិញកីឡាករខ្សែការពារឆ្នើម Pau Torres ពីក្លិប Villarreal ដោយរំពឹងទុកថាអាចនឹងមកលេងជាដៃគូដ៏ល្អរបស់កីឡាករប្រធានក្រុម Harry Maguire

  កីឡាករ Pau Torres
កីឡាករ Maguire

បើយោងតាមកាសែតអេស៉្បាញ Mundo Deportivo បានឲ្យដឹងថាលោកគ្រូបង្វឹក Ole Gunnar Solskjaer បានដាក់សំណើឲ្យ Man Utd ទិញខ្សែការពារកណ្តាលម្នាក់ទៀតដើម្បីយកមកពង្រឹងជើងក្រោមរបស់ក្លិបបន្ថែម។ ក្នុងនោះកីឡាករ Pau Torres គឺជាគោលដៅដ៏ធំដែលបិសាចក្រហមកំពុងតាមប្រមាញ់។

  កីឡាករ Pau Torres និងកីឡាករ Lionel Messi

ជាមួយគ្នានេះដែរ Man Utd ក៏បានដាក់សំណើក្នុងចំនួនទឹកប្រាក់៥០លានអឺរ៉ូ (ឬប្រមាណ៥៩លានដុល្លារ) ក្នុងការនាំយករនាំងការពារវ័យ២៣ឆ្នាំរូបនេះមកកាន់ទឹកដី Old Trafford ប៉ុន្តែត្រូវបាន Villarreal បដិសេធដោយទាមទារហូតដល់ទៅ៦៥លានអឺរ៉ូ (ឬប្រមាណ៧៧លានដុល្លារ) ឯណោះ។ យ៉ាងណាមិញ មិនមែនមានតែ Man Utd មួយទេដែលចង់បានកីឡាកររូបនេះ ក៏នៅមានក្លិបធំៗមួយចំនួនទៀតកំពុងតាមចរចាទិញរូបគេទៅរួមក្រុមផងដែរមានដូចជា Chelsea, Arsenal និង Barcelona ជាដើម៕​

  កីឡាករ Pau Torres

ប្រភព​​​៖ teamtalk

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ