ភ្នំពេញ៖ កាលពីព្រឹកថ្ងៃទី៣១ ខែកក្កដា ឆ្នាំ២០២០ ក្រុមហ៊ុន FUN Entertainment បានធ្វើកម្មវិធីសន្និសិទសារព័ត៌មាន ក្នុងការបង្ហាញជាផ្លូវការរបស់ យុវសិស្ស ធុច សាឡិ ដែលបានក្លាយជាទៅ យុវជនសុឆន្ទៈកម្ពុជា ក្នុងការរួមចំណែក ចែករំលែកវប្បធម៌កម្ពុជា-ចិនដោយក្រុមហ៊ុន FUN Entertainment។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ អ្នកនាង សំណាង ពុទ្ធានី ដែលជាតំណាងក្រុមហ៊ុន Fun Entertainment បានមានប្រសាសន៍ថា៖
ចំណែកឯ យុវសិស្ស ធុច សាឡិ ដែលជាកុមារដែលល្បីខាងចេះ១៥ភាសា បានបញ្ចេញអារម្មណ៍ ថាខ្លួនពិតជាមានសេចក្តីរំភើបរីករាយ ដែលក្រុមហ៊ុន Fun Entertainment តែងតែគាំទ្រ និងលើកស្រួយចំពោះរូបប្អូន ហើយថែមទាំងផ្តល់ឱកាសឲ្យរូបប្អូនក្លាយទៅជាយុវជនសុឆន្ទៈកម្ពុជា ដើម្បីរួមចំណែកចែករំលែកវប្បធម៌កម្ពុជា-ចិន។
បន្ថែមពីនេះ នៅកម្មវិធីសន្និសីទសារព័ត៌មាននេះផងដែរ យុវសិស្ស ធុច សាឡិ ការបាននិយាយប្តេជ្ញាក្នុងការខិតប្រឹងប្រែងសិក្សាររៀនសូត្រ និងព្យាយាមចែករំលែកវប្បធម៌រវាងកម្ពុជាជាមួយប្រទេសចិន ឲ្យកាន់តែច្រើន តាមអ្វីដែលខ្លួនអាចធ្វើបាន។
គួរបញ្ជាក់ដែរថា ក្រុមហ៊ុន Fun Entertainment ត្រូវបានបង្កើតឡើងនាដើមឆ្នាំ២០២០ ក្នុងគោលបំណងបណ្តុះបណ្តាលយុវជន យុវនារីគ្រប់រូប ដែលមានទេពកោសល្យ និងក្តីស្រម៉ៃក្លាយខ្លួនជាសិល្បករសិល្បការិនី និងជាបុគ្គលដែលមានជំនាញ និងទេពកោសល្យច្បាស់លាស់ ដើម្បីទទួលបាននូវឱកាសបញ្ចេញសមត្ថភាពរបស់ខ្លួន និងរួមចំណែកក្នុងការផ្សព្វផ្សាយ អរិយធម៌ វប្បធម៌ រួមទាំងវិស័យទេសចរណ៏ជាតិឲ្យកាន់តែរីកសុះសាយ ទាំងថ្នាក់ជាតិនិងអន្តជាតិ៕