ក្រុងរ៉ូម៖ លោក Andrea Pirlo គ្រោងនឹងចាប់ផ្តើមអាជីពជាគ្រូបង្វឹករបស់ខ្លួនបន្ទាប់ពីក្លិបសេះបង្កង់ Juventus ប្រកាសកាលពីថ្ងៃព្រហស្បតិ៍ថា គ្រូបង្វឹករូបនេះបានវិលត្រឡប់ទៅកាន់ក្លិបវិញដើម្បីគ្រប់គ្រងក្រុម U២៣។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអតីតកីឡាករលោក Andrea Pirlo បានផ្លាស់ទៅលេងឱ្យក្លិបសេះបង្កង់ Juventus បន្ទាប់ពីលោកបានចាកចេញពីក្លិប AC Milan កាលពីរដូវក្តៅឆ្នាំ ២០១១។ នៅក្នុងការព្យាយាមប្រឹងប្រែងរយៈពេល ៤ រដូវកាលរបស់គាត់ជាមួយក្រុម Bianconeri គាត់បានឈ្នះពានរង្វាន់ Serie A ចំនួន ៤ លើក ពានរង្វាន់ Italian Cup មួយលើក និងពានរង្វាន់ Italian Super Cup ពីរលើក។
សេចក្តីថ្លែងការណ៍មួយបានសរសេរថា "ថ្ងៃនេះគឺជាការចាប់ផ្តើមនៃដំណើរផ្សងព្រេងថ្មីសម្រាប់លោក Andrea Pirlo និង Juventus ដែលវិលត្រឡប់មកធ្វើការជាមួយគ្នា ៥ ឆ្នាំបន្តទៀត។ លោក Andrea Pirlo គឺជាការពិតគ្រូបង្វឹកថ្មីរបស់ក្រុម Juventus ក្រោមអាយុ ២៣ ឆ្នាំ"។
ក្លឹបសេះបង្កង់ Juventus បានសម្តែងការស្វាគមន៍ចំពោះគ្រូបង្វឹកវ័យ ៤១ ឆ្នាំរូបនេះដោយអះអាង ថា វាជាការសម្រេចចិត្តដែលធ្វើឱ្យអ្នកគាំទ្រសប្បាយរីករាយ។
សេចក្តីថ្លែងការណ៍មួយបាននិយាយ "បញ្ហាប្រឈមថ្មីមួយកំពុងរង់ចាំ សម្រាប់ការវិលត្រឡប់ដែលអាចធ្វើឱ្យអ្នកគាំទ្ររបស់ក្លិប Juventus រីករាយ។ សូមស្វាគមន៍ការត្រឡប់មកវិញគ្រូបង្វឹក Pirlo!"៕
ប្រភព៖ ទីភ្នាក់ងារសារព័ត៌មានស៊ីនហួរ