នាយករបស់ក្លិបបាល់ទាត់ Lazio លោក Igli Tare នៅតែមានការចាប់អារម្មណ៍ទៅលើកីឡាករ David Silva ដូចមុន ហើយពេលនេះផងដែរក្លិបរបស់លោកនៅតែបើកទ្វារស្វាគមន៍ដល់ David Silva និងសន្យាផ្តល់បទពិសោធន៍ថ្មីដល់រូបគេនៅទឹកដីប្រទេសអ៊ីតាលីនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើដែលឈ្នះពានរង្វាន់ World Cup កាលពីឆ្នាំ ២០១០ វ័យ ៣៤ ឆ្នាំរូបនេះនឹងបញ្ចប់កុងត្រាជាមួយនឹងក្រុម Manchester City នារដូវកាលនេះដោយរូបគេនៅសល់កាតព្វកិច្ចលេង UEFA Champion League ទៀតប៉ុណ្ណោះ។
គោលដៅរបស់កីឡាកររូបនេះគឺមានដូចជាលីគ MLS, La Liga និង Serie A សម្រាប់ឲ្យរូបគេបន្តដំណើរផ្សងព្រេងរបស់ខ្លួនបន្តទៀត បន្ទាប់ពីចាកចេញពីទឹកដីប្រទេសអង់គ្លេស។ ក្លិប Lazio មានការចាប់អារម្មណ៍ជាខ្លាំងទៅលើ David Silva រួមទាំងមានការចែចង់ពីក្លិប Roma ផងដែរ៕