អ៊ីតាលី៖ ក្លិប Inter Milan ត្រូវបានគេរាយការណ៍មកថា មានចំណាប់អារម្មណ៍ ក្នុងការចុះកុងត្រាយកខ្សែបម្រើ Tanguy Ndombele ពីក្លិបមាន់ខ្នាយមាស Tottenham Hotspur។
យោងតាមសារព័ត៌មាន Sky Sports Italy បានឲ្យដឹងថា Inter បានធ្វើការទាក់ទងមក Spurs ចរចាជុំវិញលទ្ធភាពនៃការផ្ទេរខ្សែបម្រើសញ្ជាតិបារាំងទៅលេងនៅក្របខណ្ឌ Serie A ។
Ndombele ហាក់មិនស្ថិតក្នុងក្រសែភ្នែករបស់លោក Jose Mourinho នោះទេ ជាក់ស្ដែងចាប់តាំងពីក្របខណ្ឌ Premier League បើកដំណើការឡើងវិញ ក្រោយផ្អាកអស់មួយរយៈដោយសារកូវីដ១៩ ខ្សែបម្រើវ័យ២៣ឆ្នាំ ចូលលេងបានត្រឹម២ប្រកួត ខណៈ២ប្រកួតនោះ គឺមិនមែនចាប់ផ្ដើមក្នុងជម្រើសដំបូងនោះទេ ពោលគឺប្ដូរចូលពីកៅអីបម្រុងមក។
ជាមួយគ្នានេះ បើយោងតាមរបាយការណ៍កាលពីពេលកន្លងទៅ Ndombele កំពុងគិតគូពីអនាគតរបស់ខ្លួន ក្រោយមិនសូវចុះសម្រុងនឹងការដឹកនាំរបស់គ្រូបង្វឹកសញ្ជាតិព័រទុយហ្កាល់។
គួររម្លឹកផងដែរថា កាលពីទីផ្សាររដូវរងារ ខែមករាកន្លងទៅ Inter ទើបយកបានតារាឆ្នើមរបស់ Spurs កីឡាករ Christian Eriksen ខណៈបច្ចុប្បន្នក្លិបយក្សអ៊ីតាលីកំពុងចរចាផ្ទេរយក Ndombele ទៅម្នាក់ទៀត បន្ទាប់ពីកីឡាកររូបនេះ កំពុងស្រពេចស្រពិល ជុំវិញអនាគតរបស់ខ្លួនជាមួយក្លិប៕
ប្រភព៖ skysports
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
