យោងតាមសារព័ត៌មាន Sky Sports បានឲ្យដឹងថា ក្រុមកាំភ្លើងធំ Arsenal បានបើកការចាប់អារម្មណ៍ទៅលើខ្សែបម្រើប្រយុទ្ធរបស់ក្រុម Aston Villa គឺកីឡាករ Jack Grealish។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិរូបនេះបានជួយក្រុម Aston Villa ឲ្យរួចផុតពីតំបន់កាត់ចូលរបស់ Premier League ដោយរូបគេក៏មានព័ត៌មាននឹងការផ្លាស់មកលេងឲ្យក្រុមបិសាចក្រហម Manchester United ផងដែរ។
យ៉ាងណាមិញ យោងតាមសារព័ត៌មាន ESPN បានឲ្យដឹងថាក្រុមបិសាចក្រហម Manchester United កំពុងតែផ្តោតខ្លាំងលើការនាំយកកីឡាករ Jadon Sancho ពីក្រុម Borussia Dortmund ដោយពួកគេបានបន្ធូរបន្ថយការចាប់អារម្មណ៍លើកីឡាករ Jack Grealish។
គួរបញ្ជាក់ផងដែរថា ក្លឹប Aston Villa បានដាក់តម្លៃខ្លួនកីឡាករ Jack Grealish ៨០ លានផោនដោយសារព័ត៌មាន Sky Sports បានចុះថាក្លឹប Arsenal ត្រៀមលុយចន្លោះពី ៥០ លានទៅ ៦០ លានផោនសម្រាប់កីឡាករមួយនេះ។
កីឡាករ Jack Grealish សព្វថ្ងៃមានវ័យ ២៤ ឆ្នាំដោយស៊ុតបញ្ចូលទីបាន ៨ គ្រាប់ និងប៉ះបាល់ឲ្យមិត្តរួមក្រុមស៊ុតបញ្ចូលទីបាន ៦ ដងសម្រាប់ពានរង្វាន់ Premier League៕