សារព័ត៌មាន ESPN បានឲ្យដឹងថា Christian Pulisic គឺត្រៀមខ្លួនលេងបាន ១០០% សម្រាប់ជំនួប​តទល់គ្នា​រវាងក្រុមតោខៀវ Chelsea ជាមួយនឹងក្រុមកាំភ្លើងធំ Arsenal វគ្គផ្តាច់ព្រ័ត្រ FA Cup នៅកីឡដ្ឋាន Wembley។
គ្រូបង្វឹកក្រុម Chelsea លោក Frank Lampard បាននិយាយថាកីឡាករវ័យ ២១ ឆ្នាំរូបនេះមានបញ្ហារបួស​បន្តិច​បន្តួចនាប៉ុន្មានសប្តាហ៍ចុងក្រោយនេះ ដោយរូបគេបានអវត្តមានពីការប្រកួតវគ្គពាក់កណ្តាលផ្តាច់ព្រ័ត្រ FA Cup ជាមួយនឹងក្រុមបិសាចក្រហម Manchester United។
កាលពីសប្តាហ៍មុន Christian Pulisic បានប្តូរចូលលេងក្នុងការប្រកួតជាមួយក្រុម Liverpool ហើយការប្រកួត​ចុងក្រោយជាមួយក្រុម Wolves សម្រាប់ Premier League វិញគឺរូបគេលេងបានត្រឹមរយៈពេល ៧៨ នាទី​ប៉ុណ្ណោះ។
យ៉ាងណាមិញ Christian Pulisic បានផ្តល់កិច្ចសម្ភាសន៍មកកាន់ ESPN ថាការប្រកួត FA Cup វគ្គផ្តាច់ព្រ័ត្រនេះ​គឺរូបគេនឹងលេងបាន ១០០% ពេញដោយរូបគេលែងមានបញ្ហារបួសទៀតហើយ៕  

កីឡាករ Christian Pulisic
កីឡាករ Christian Pulisic

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ