ប្រធានក្លិប Lazio បានប្រកាសថា កីឡាករជើងស៊ុតម្នាក់នេះមិនមែនសម្រាប់ដាក់លក់នោះទេ

ប្រធានក្លិប Lazio លោក Igli Tare បានបញ្ជាក់ច្បាស់ៗថា ខ្សែប្រយុទ្ធ Ciro Immobile ដែលមានសង្ឃឹមខ្ពស់ជាម្ចាស់ស្បែកជើងមាសរដូវកាលនេះគឺមិនមែនសម្រាប់លក់ចេញនោះទេ។

កន្លងមក ខ្សែប្រយុទ្ធរូបនេះត្រូវបានផ្សារភ្ជាប់ជាមួយនឹងការផ្ទេរចេញនៅរដូវក្តៅនេះ។ ប៉ុន្តែលោក Tare និយាយថា “យើងនឹងសាងកេរ្តិ៍ឈ្មោះក្លិប Lazio ដោយមានកីឡាករល្អៗដូច Immobile នេះ ព្រោះគាត់មានកិច្ចសន្យាវែងឆ្ងាយជាមួយក្លិប ហើយជាកីឡាករដ៏សំខាន់សម្រាប់ក្លិបនាពេលបច្ចុប្បន្ននេះ។ រដូវកាលនេះ គាត់ពិតជាធ្វើបានល្អណាស់ ដោយមានការសហការគ្នាពីមិត្តរួមក្រុមដទៃទៀតផងដែរ។

ក្រោយខកខានអស់រយៈពេល ១៣ ឆ្នាំ ពេលនេះក្លិប Lazio អាចកក់កៅអីលេងក្នុងក្របខ័ណ្ឌ Champions League ហើយឥឡូវនេះយើងកំពុងសិក្សារកចំណុចល្អៗដើម្បីធ្វើឱ្យក្លិបកាន់តែមានភាពរឹងមាំដោយមាន Immobile ជាកីឡាករដ៏សំខាន់ម្នាក់"៕

ប្រភព៖ Tribal Football