តេហេរ៉ង់៖ កងកម្លាំងឆ្មាំបដិវត្តអ៊ីរ៉ង់ IRGC បាននិយាយថា ខ្លួនបានបាញ់មីស៊ីលបាលីស្ទិក ចេញពីក្រោមដីកាលពីថ្ងៃពុធ ដែលជាថ្ងៃចុងក្រោយនៃការធ្វើសមយុទ្ធយោធាប្រចាំឆ្នាំ នៅក្បែរដែនទឹកក្នុងតំបន់ឈូងសមុទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការណ៍របស់កងកម្លាំង IRGC បានលើកឡើងថា សមយុទ្ធយោធាទ្រង់ទ្រាយធំ ដែលមានទាំងការអនុវត្តបាញ់ប្រព័ន្ធមីស៊ីលក្រោមដីនេះ គឺការជោគជ័យដំបូងបង្អស់នៅក្នុងពិភពលោក។ ហើយមិនតែប៉ុណ្ណោះ វាក៏ជាសមិទ្ធិផលដ៏សំខាន់មួយ ដែលអាចជួយប្រទេសអ៊ីរ៉ង់ ដើម្បីទៅប្រឈមមុខជាមួយនឹងសត្រូវខ្លាំងៗផ្សេងទៀតដែរ។
សមយុទ្ធយោធាប្រចាំឆ្នាំរបស់អ៊ីរ៉ង់នេះត្រូវបានធ្វើឡើង ខណៈពេលដែលភាពតានតឹងរវាងរដ្ឋធានីតេហេរ៉ង់ និងវ៉ាស៊ីនតោន ចេះតែបន្តកើតមានឡើង។ ហើយបើតាមនៅក្នុងខ្សែរវីដេអូមួយ ដែលប្រព័ន្ធផ្សព្វផ្សាយជាច្រើន ចែករំលែកពីទូរទស្សន៍រដ្ឋអ៊ីរ៉ង់ បានបង្ហាញឱ្យឃើញនូវធូលីដ៏អួអាប់ មុនពេលមីស៊ីលផ្លោងជ្រែកខ្លួនចេញពីដី ហើយហោះទៅវាយប្រហារគោលដៅ បានយ៉ាងប្រសើរបំផុត។
គួររម្លឹកផងដែរថា កាលពីថ្ងៃទី ៦ ខែកក្កដា កន្លងទៅ ប្រទេសអ៊ីរ៉ង់ធ្លាប់បានអះអាងរួចមកហើយថា ខ្លួនបានកសាងទីក្រុងមីស៊ីលក្រោមដី នៅតាមតំបន់ឆ្នេរនៃឈូងសមុទ្រពែរ្ស និងឈូងសមុទ្រអូម៉ង់ ដើម្បីបង្កើនប្រព័ន្ធការពារក្នុងប្រទេសអ៊ីរ៉ង ក៏ដូចជាការផ្ញើសារទៅដល់ប្រទេសបច្ចាមិត្តដទៃទៀត ដែលមានបំណងចង់ឈ្លានពានមកលើប្រទេសអ៊ីរ៉ង់ដែរ៕
សូមទស្សនាវីដេអូខាងក្រោម៖