Toni ទើបសុំ Kaew រៀបការហើយ ពេលនេះ ជូននាងទៅដើរលេងសមុទ្រយ៉ាងមានក្ដីសុខ

ថៃ៖  ជាការពិតណាស់ គូស្នេហ៍តារាសម្ដែង Toni និង Kaew Jarinya គឺជាគូស្នេហ៍ផ្អែមល្ហែម ដែលកំពុងធ្វើឲ្យបណ្ដាអ្នកគាំទ្រពេញចិត្តតាមដានកាន់តែខ្លាំង ក្រោយពេលដែល Toni សម្រេចចិត្តសុំ Kaew Jarinya រៀបការនៅពីមុខ សាច់ញាតិគ្រួសារជាច្រើន កាលពីមួយខែមុននេះ ដែលធ្វើឲ្យអ្នកគាំទ្រ មានការសប្បាយរីករាយ និងរំភើបជំនួសជាខ្លាំង។  

​ទន្ទឹមនឹងនេះ បន្ទាប់ពីបានបង្ហាញដំណឹងដ៏ត្រេកអរមួយនេះឲ្យអ្នកគ្រប់គ្នាបានដឹងហើយ យើងឃើញថា ជីវិតគូរបស់តារាពីរដួងនេះ កាន់តែផ្អែមល្ហែមជាមួយគ្នាទៅវិញទៅមក រាល់គ្រប់សកម្មភាព ​ពិសេសរាល់ពេលដែលពួកគេមានការលេងតាមកន្លែងកម្សាន្តនានាផ្ទាល់តែម្ដង។

ជាក់ស្ដែង ថ្មីៗនេះ Kaew និង Toni ស្រាប់តែបង្ហោះរូបភាពជាច្រើន ក្នុងដំណើរកម្សាន្តទៅលេងឆ្នេរ Ko Mat Sum ដែលមានឆ្នេរខ្សាច់យ៉ាងសក្បុស ទឹកសមុទ្រខៀវស្រង៉ាត់ ញ៉ាំងបរិយាកាសឲ្យអនាគតប្ដីប្រពន្ធមួយគូនេះ ប្រលែងគ្នាលេង កាន់តែមានក្ដីសុខខ្លាំងៗផងដែរ។

យ៉ាងណាមិញ ក្រោយពីបានឃើញរាល់រូបភាពទាំងនោះហើយ ហ្វេនៗជាច្រើននាំគ្នា ចូលមកខមិនជាហូរហែរ ពិសេសគេក៏ទន្ទឹងរង់ចាំដំណឹងនៃថ្ងៃរៀបការរបស់ តារាប្រុសស្រីមួយគូនេះ ឆាប់ៗផងដែរ៕

ទស្សនារូបភាពខាងក្រោម៖