Jose Mourinho សម្លឹងចង់ទិញកីឡាករក្រុម Inter Milan រូបនេះមកចូលរួមជាមួយ Tottenham Hotspur

កាលពីថ្ងៃអង្គារនេះបើតាមប្រភពព័ត៌មានច្បាស់ការណ៍បានឲ្យដឹងថា គ្រូបង្វឹកក្រុម Tottenham Hotspur លោក Jose Mourinho បានបើកការចាប់អារម្មណ៍ទៅលើកីឡាករសញ្ជាតិក្រូអាត Ivan Perisic។

គួរបញ្ជាក់ផងដែរថា កីឡាករវ័យ ៣១ ឆ្នាំរូបនេះកំពុងតែលេងឲ្យក្រុម Bayern Munich ក្នុងលក្ខខណ្ឌខ្ចីជើងពីក្លឹប Inter Milan ហើយក្រុមដែលមានមូលដ្ឋាននៅប្រទេសអាល្លឺម៉ង់មួយនេះកំពុងតែចង់ចំណាយ ២០ លានអឺរ៉ូទិញយកកីឡាកររូបនេះផ្តាច់ពីក្រុម Inter Milan។

យ៉ាងណាមិញគ្រូបង្វឹកក្រុម Inter Milan លោក Antonio Conte ក៏ត្រូវបានគេរាយការណ៍ផង ដែរថា លោកចង់វៃចេញកីឡាកររូបនេះផងដែរ។

គ្រូបង្វឹក Jose Mourinho កំពុងតែផ្តោតលើការអភិវឌ្ឍន៍ក្រុមរបស់លោកបន្ទាប់ពីត្រូវបានខាងក្លិបបន្ថយលុយសម្រាប់ទិញកីឡាករ ដោយសារតែក្រុមខកខានមិនបានលេង UEFA Champion League រដូវកាលក្រោយ ហើយ Ivan Perisic គឺជម្រើសដ៏ល្អសម្រាប់លោក Jose Mourinho នាអំឡុងពេលនេះ៕