នាយកដ្ឋានប្រឆាំងបទល្មើសបច្ចេកវិទ្យា៖ កាលពីខែមុន ក្រសួងបច្ចេកវិទ្យាព័ត៌មានរបស់ប្រទេសឥណ្ឌាបានធ្វើការហាមឃាត់កម្មវិធីទូរសព្ទរបស់ប្រទេសចិន ចំនួន៥៩កម្មវិធីរួចមកហើយ ដែលមានដូចជា TikTok WeChat និង UC Browser ជាដើម។ ហើយនៅពេលថ្មីៗនេះ រដ្ឋាភិបាលនៃប្រទេសនេះកំពុងតែធ្វើការត្រួតពិនិត្យដើម្បីហាមឃាត់កម្មវិធីដែលមានដើមកំណើតនៅចិនចំនួន២៧៥បន្ថែមទៀត ក្នុងនោះរួមទាំងហ្គេមដ៏ពេញនិយមមួយផងដែរ គឺ PlayerUnknown’s BattleGround (PUBG) និងកម្មវិធីតន្រ្តី Resso របស់ ByteDance

យោងតាមរបាយការណ៍ពី The Economic Times បានឱ្យដឹងថា រដ្ឋាភិបាលប្រទេសឥណ្ឌាបានរៀបចំតារាងបញ្ជីឈ្មោះកម្មវិធីទាំងនោះជាផ្លូវការរួចស្រេចហើយ ដើម្បីធ្វើការហាមឃាត់។ មិនត្រឹមតែកម្មវិធីកម្សាន្ត និងហ្គេម ដ៏ពេញនិយមខាងលើប៉ុណ្ណោះទេ ថែមទាំងមានកម្មវិធីទិញទំនិញតាមអនឡាញ ដូចជា AliExpress មកពីក្រុមហ៊ុន Alibaba និងកម្មវិធីចែករំលែករូបថត ULike ផងដែរ។ មូលហេតុដែលនាំឱ្យមានការបិទកម្មវិធីជាលើកដំបូងនោះ គឺក្រោយពីប្រទេសឥណ្ឌាពិនិត្យឃើញពីគុណវិបត្តិជាច្រើនពាក់ព័ន្ធនឹងកម្មវិធីទាំងអស់នេះ ដែលអាចធ្វើឱ្យប៉ះពាល់ដល់សុវត្ថិភាពបុគ្គល ក៏ដូចជាសុវត្ថិភាពថ្នាក់ដឹកនាំរងការលួចទាញយកទិន្នន័យជាដើម។

គួររម្លឹកផងដែរថា កម្មវិធីដែលរដ្ឋាភិបាលប្រទេសឥណ្ឌាបានធ្វើការហាមឃាត់ សុទ្ធសឹងតែជាកម្មវិធីដែលមានប្រជាប្រិយភាពខ្លាំង ដូចជា កម្មវិធី TikTok ដែលមានអ្នកប្រើប្រាស់ប្រមាណជា ២០០លាននាក់ និងហ្គេម PUBG គេប៉ាន់ប្រមាណជា ៥០លាននាក់ ដែលកំពុងប្រើប្រាស់នៅក្នុងប្រទេសនេះ ព្រមទាំងកម្មវិធីផ្សេងៗជាច្រើនទៀត៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ