យល់ដឹង៖ មួយរយៈចុងក្រោយនេះ គេសង្កេតឃើញថាមាន អ្នកជំនាញប្រុសស្រី វ័យក្មេងជាច្រើន ចាប់ផ្តើមសាកល្បងប្រឡូកចូល ក្នុងវិស័យរកស៊ីអនឡាញ ក៏ដូចជា ការបើកហាងដោយខ្លួនឯង ក្នុងខណៈពេលដែលទីផ្សារ ក្នុងស្រុកកំពុងតែមានការប្រកួតប្រជែងខ្លាំង មុខរបរទាំងនេះ ក៏កំពុងទទួលបាននៅ ការចាប់អារម្មណ៍ច្រើនពី អ្នករកស៊ីទូទៅ ហើយក៏មានការរីកលូតលាស់យ៉ាងច្រើន ស្របពេលដែលតម្រូវការ អតិថិជនកាន់តែកើនឡើងផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. លក់សម្លៀកបំពាក់
មូលហេតុដែលធ្វើឲ្យ មុខរបរលក់សម្លៀកបំពាក់នេះ បានក្លាយជាទី ពេញនិយមរបស់ អ្នករកស៊ីភាគច្រើន ក៏ព្រោះតែ បច្ចុប្បន្ន មិនថាយុវវ័យ មនុស្សវ័យកណ្តាល ឬមនុស្សចាស់ ប្រុសស្រី មានផ្នត់គំនិតជឿនលឿនជាងមុខ មានតម្រូវការនិង ការផ្លាស់ប្តូរស្ទាយ៍ របស់ខ្លួនជានិច្ច ដើម្បីតាមទាន់សម័យកាល។
២. លក់គ្រឿងសម្អាង
បច្ចុប្បន្នមិនថា មនុស្សប្រុសឬមនុស្សស្រីនោះទេ សុទ្ធតែចង់បានផលិតផល ដែលអាចមកបំពេញ នៅចំណុចខ្វះខាតនៃរូបសម្រស់ លើរាងកាយរបស់ខ្លួនបាន ជាហេតុធ្វើឲ្យតម្រូវការ កាន់តែច្រើន ជំនួញលក់គ្រឿងសម្អាង ក៏ចាប់ផ្តើមមានការកើនឡើង ជាលំដាប់មិនថាតាម អនឡាញឬដំណើរការ ជាហាងនោះទេ។
៣. បើកហាងកាហ្វេ
ជាក់ស្តែង មានកន្លែងជាច្រើន នៅក្នុងរាជធានីភ្នំពេញ និងតាមបណ្តាខេត្ត មានការកើនឡើងនៅ ការបើកហាងកាហ្វេ និងតូបលក់គ្រឿង ភេសជ្ជៈជាច្រើន ដែលមុខរបរនេះ ក៏កំពុងតែមានការគាំទ្រច្រើន ពីសំណាក់អតិថិជន ទូទៅជាពិសេសយុវវ័យផងដែរ។
៤. បើកហាងអាហារ
អាហារជារបស់ដែលចាំបាច់ និងមិនអាចខ្វះបានរបស់មនុស្ស។ មនុស្សម្នាក់ៗត្រូវការញុំា ដូច្នេះប្រសិនបើមាន បំណងចង់បើកដំណើរការ ហាងអាហារ អ្នកត្រូវមានចំណុចសំខាន់ៗ ទាំងប៉ុន្មាននេះជាដាច់ខាត ប្លែក ឆ្ងាញ់ បរិយាកាសការតុបតែងល្អ អនាម័យ សេវាកម្មល្អ នឹងតម្លៃធូរថ្លៃ នោះហាងរបស់ អ្នកនឹងទទួលបានការគាំទ្រ ជាក់ជាមិនខាននោះទេ។
៥. ហាងនំ
ហាងលក់នំ ក៏ត្រូវបានគេកក់សម្គាល់ឃើញថា មានការកើនឡើងជាលំដាប់ មិនថានំបែបខាងបញ្ចឹមប្រទេស និងនំខ្មែរនោះទេ ហើយក៏ទទួលបាន នៅការគាំទ្រពីសំណាក់ អតិថិជនច្រើនផងដែរ៕
យ៉ាងណាដែរ ប្រិយមិត្ត? មានចំណង់ចំណូលចិត្ត លើរបរណាមួយទេ ក្រោយពីបានឃើញ ការរៀបរាប់ខាងលើ?