រុស្ស៊ី៖ អ្នកចាំទីសញ្ជាតិរុស្ស៊ី Ivan Zaborovsky អាយុ១៦ឆ្នាំ បានជាសះស្បើយពីព្រឹត្តិការណ៍មិនអាចបំភ្លេចបាន បន្ទាប់ពីគាត់ត្រូវបានរន្ទះបាញ់ ក្នុងកំឡុងពេលហ្វឹកហាត់មួយ កាលពីដើមខែនេះ។ ខ្សែវីដេអូនៃឧប្បត្តិហេតុចម្លែកនេះបានបង្ហាញពី ក្មេងជំទង់ដែលត្រូវបានរន្ទះបាញ់ចំ ខណៈពេលសុតបាល់បញ្ចូលទី ហើយមិត្តរួមក្រុមរបស់គាត់កំពុងហ្វឹកហាត់នៅកៀនតារាងបាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីដេអូបន្ទាប់មកបង្ហាញពី Zaborovsky បានដួលទៅនឹងដី មុនពេលគាត់ត្រូវបានគេបញ្ជូនទៅមន្ទីរពេទ្យ។ អ្នកចាំទីរបស់ក្លឹប Znamya Truda បានសន្លប់ស្ដូកស្ដឹង ខណៈពេលដែលរបួសរបស់គាត់ត្រូវបានគេប៉ាន់ប្រមាណ ប៉ុន្តែក្រោយពីមិនដល់៣សប្ដាហ៍ Zaborovsky អាចវិលត្រឡប់មកការលេងវិញ។
កីឡាករវ័យក្មេងដែលទើបចុះកុងត្រាជាមួយក្លឹបលំដាប់ទី៣រុស្ស៊ី និយាយថា គាត់មិនចាំពីឧប្បត្តិហេតុនោះទេ ហើយវាបានបន្សល់ស្លាកស្នាមនៅលើទ្រូងរបស់គាត់។ លោកបាននិយាយថា៖ «វាពិបាកដកដង្ហើមណាស់ ប៉ុន្តែវាមានតែប៉ុណ្ណឹង។ ឥឡូវនេះ វាបានប្រសើរជាងមុន។ អ្វីៗបានវិលត្រឡប់មករកភាពប្រក្រតីវិញហើយ»៕