ខេត្តសៀមរាប ជាខេត្តមួយដែលសម្បូរទៅដោយប្រាង្គប្រាសាទរាប់រយ ដែលអាចទាក់ទាញភ្ញៀវទេសចរជាច្រើនទៅទស្សនាកំសាន្តនៅទីនោះ។ មិនតែប៉ុណ្ណោះនៅស្ទើរតែគ្រប់ផ្លូវក្នុងខេត្តសៀមរាប ពិតជាមានសោភ័ណ្ឌភាពស្រស់ស្អាត ថែមទាំងសម្អាតបរិស្ថានបានយ៉ាងស្រស់ស្អាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រៅពីការដើរទស្សនាតាមប្រាង្គប្រាសាទនានា ប្រិយមិត្តទាំងអស់គ្នាកុំភ្លេចធ្វើរឿងទាំង 3 នេះផង បើជ្រុលជាបានទៅដល់ហើយ ៖
១. ជិះម៉ូតូកង់ 4
ឃើញ ១០ដងមិនស្មើបានជិះ ១ដងទេ។ ពិតជាសប្បាយខ្លាំងណាស់ បានទាំងបទពិសោធន៍ថ្មី ហើយគយគន់ទេសភាពស្រស់ត្រកាលសងខាងយ៉ាងស្រស់ស្អាត។ សម្រាប់កន្លែងជិះម៉ូតូធំកង់ ៤ មានឈ្មោះថា "Cambodia Quad Bike"។ បច្ចុប្បន្ននេះ ភាគច្រើនភ្ញៀវទេសចរដែលបានទៅដល់ខេត្តសៀមរាបកម្រនឹងរំលងកន្លែងនេះណាស់។
២. ជិះកង់លម្អទីក្រុង
ពេលដល់សៀមរាប អ្នកទាំងអស់គ្នាសាកប្តូរពីការជិះម៉ូតូ ឬរថយន្ត ទៅជាការជិះកង់វិញមើលថាសប្បាយយ៉ាងណា។ មិនត្រឹមតែប៉ុណ្ណោះ ថែមទាំងលម្អទីក្រុង ក៏ដូចជាហាត់ប្រាណជំនួយសុខភាពផងដែរ។ សម្រាប់កង់វិញ ភាគច្រើនគឺមានដាក់ជួលនៅមុខសណ្ឋាគារ ឬផ្ទះសំណាក់។ ដោយតម្លៃកង់ចាប់ពី ២ ទៅ ៣ដុល្លារគឺកំណត់តាមម៉ោង។
៣. ជិះខ្សែរ៉ក់នៅ Angkor Zipline
ភាគច្រើនមិនសូវមានអ្នកបានស្គាល់កន្លែងមួយនេះឡើយ។ Angkor Zipline ជាកន្លែងកំសាន្តលក្ខណៈផ្សងព្រេងដូចជា ការជិះរ៉ក និងដើរព្រៃ។ សម្រាប់ទីតាំងរបស់ Angkor Zipline មានទីតាំងស្ថិតនៅក្នុងភូមិមណ្ឌល៣ ឃុំស្លក្រាម ក្រុងសៀមរាប។ នៅជិតប្រាសាទតានៃ និងមានចម្ងាយប្រហែល 14 គីឡូម៉ែត្រ ពីរង្វង់មូលជិតព្រះអង្គចេក ព្រះអង្គចម៕