ទ្វារមាសស្រ្តីគឺជាសាច់ដុំរាងដូចបំពុងដែលតភ្ជាប់មាត់ស្បូន ទៅកាន់បបេរទ្វារមាសខាងក្រៅ។ បរបេរទ្វារមាសខាងក្រៅនេះ គឺជាអ្វីដែលអ្នកមើលឃើញ ដោយវាមានបបេរធំ និងតូច សេរ និងបង្ហួរនោមផងដែរ។ ទោះបីជាយ៉ាងណាក៏ដោយ មានរឿងខ្លះដែលស្រ្តីគ្រប់រូបគួរដឹងអំពីសុខភាពទ្វារមាសរបស់ខ្លួន ហើយក៏ជារឿងដែលទ្វារមាសចង់ឲ្យអ្នកដឹងផងដែរដូចជា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការហូរទឹករំអិលតាមទ្វារមាសមិនមែនជារឿងចម្លែកឡើយ
តើវាហូរច្រើនពេកមែនទេ? វាមិនមានចំនួនទឹករំអិលទ្វារមាសណាមួយដែលបញ្ជាក់ថាធម្មតាឡើយ តែវាប្រហែលជាប្រែប្រួលអាស្រ័យទៅតាមវដ្តរដូវរបស់អ្នកទៅវិញទេ។ ក្នុងពាក់កណ្តាលនៃការមកវដ្តរដូវ ការបញ្ចេញទឹករំអិលអាចនឹងកើនឡើង ហើយជាទូទៅមានលក្ខណៈថ្លា និងស្អិតដូចស៊ុតផ្នែកសៗអ៊ីចឹង។ រឿងនេះក៏ជំរុញដល់ការធ្វើចលនារបស់មេជីវិតឈ្មោលចូលទៅក្នុងទ្វារមាស មាត់ស្បូន និងស្បូនដើម្បីបង្កកំណើតដែរ។ សម្រាប់ពេលវេលាក្រៅពីនេះ ទឹករំអិលអាចមានលក្ខណៈខាប់ និងសជាង។
ប៉ុន្តែ អ្វីដែលគួរបារម្ភនោះលុះត្រាតែទឹករំអិលមានក្លិនស្អុយ ឬល្អក់ ដោយសារតែវាអាចជាសញ្ញានៃការបង្ករោគផ្សិត។ ការដែលទឹករំអិលមានពណ៌ប្រផេះមានលក្ខណៈដូចឆ្អាបត្រី វាអាចជាការបង្ករោគដោយបាក់តេរីហើយ។ ករណីបែបនេះត្រូវតែទៅជួបពេទ្យដើម្បីពិនិត្យ និងព្យាបាល។
មិនខ្លាំងដូចមុន
ស្រ្តីរហូតដល់ ៤០ភាគរយអាចនឹងមានបញ្ហាព្រលាត់សរីរាង្គក្នុងអាងត្រគាកខ្លះតាមទ្វារមាស។ ជាអកុសល រឿងនេះមិនងាយនឹងលើកមកនិយាយជាមួយគ្រូពេទ្យទេដោយសារតែភាពអៀនខ្មាសខ្លាំង។ ស្រ្តីដែលមានបញ្ហាបែបនេះអាចសម្គាល់ដឹងថា មានថ្នក់ក្នុងទ្វារមាស ឈឺចាប់ក្នុងពេលរួមភេទ មានសម្ពាធក្នុងទ្វារមាស ប្លោកនោម និងបញ្ហានៃការបន្ទោបង់ជាដើម។ ការប្រឈមនឹងបញ្ហានេះមានដូចជា ការមានផ្ទៃពោះ សម្រាលកូន អាយុច្រើន រ៊ាំងរដូវ ជក់បារី និងប៉ះទង្គិច។
នោមផងក្រោយពេលរួមភេទរួច
សម្រាប់ស្រ្តី បង្ហួរនោម ទ្វារមាស និងរន្ធគូថគឺស្ថិតនៅជិតគ្នាណាស់។ ការរួមភេទអាចធ្វើឲ្យបាក់តេរីក្នុងរន្ធគូថជ្រៀតចូលទៅក្នុងប្លោកនោមបាន ដូច្នេះវាអាចនឹងបង្កើតកូនចៅ និងបង្ករោគក្នុងផ្លូវទឹកនោមបាន។ ដូច្នេះបើសិនជាអ្នកងាយនឹងមានការបង្ករោគបែបនេះ យកល្អគួរតែនោមសិនមុនពេល និងក្រោយពេលរួមភេទដើម្បីជួយសម្អាតបាក់តេរីដែលមានស្រាប់នៅច្រកបង្ហួរនោម។
លំហាត់ប្រាណ Kegel គឺជារឿងសំខាន់ ប៉ុន្តែមិនមែនគ្រប់គ្នាស័ក្តិសមធ្វើទាំងអស់ឡើយ
មនុស្សភាគច្រើនយល់ថាលំហាត់ប្រាណ Kegel មានប្រយោជន៍តែក្នុងពេលមានផ្ទៃពោះ និងក្រោយសម្រាលកូនទេ។ ប៉ុន្តែវាត្រូវបានគេបង្ហាញថា អាងត្រគាកដែលមានសុខភាពល្អ និងរឹងមាំអាចមានឥទ្ធិពលទៅលើមុខងារប្លោកនោម ទ្វារមាស និងពោះវៀនពេញមួយជីវិតទោះបីជាអាយុច្រើនហើយក៏ដោយ។ យ៉ាងណាមិញ លំហាត់ប្រាណ Kegel ក៏ល្អសម្រាប់ស្រ្តីមានផ្ទៃពោះហើយមានបញ្ហាលេចលាមក ឬនោមដោយខ្លួនឯងដែរ។ លំហាត់ប្រាណនេះតម្រូវឲ្យ កន្ត្រាក់សាច់ដុំនៅអាងត្រគាក (ដូចខ្ជិបទឹកនោមពេលកំពុងតែហូរ)។ ចូរទប់បែបនេះ ៣វិនាទី ហើយបន្ធូរវិញ ៣វិនាទីទៀត បន្ទាប់មកធ្វើវា ១០ ទៅ ១២ដង។ ចូរបង្កើនរយៈពេលម្តងៗឲ្យបាន ១០វិនាទីបន្តិចម្តងៗជារៀងរាល់ថ្ងៃផង។
ទោះបីជាយ៉ាងណាក៏ដោយ ស្រ្តីខ្លះដែលមានបញ្ហាឈឺចាប់ក្នុងពេលរួមភេទ ឬត្រូវការចូលបន្ទប់ទឹកញឹកញាប់ខ្លាំងប្រហែលជាតឹងក្នុងអាងត្រគាកខ្លាំងជាងមនុស្សធម្មតា។ ករណីបែបនេះ ការពង្រឹងសាច់ដុំបែបនេះអាចធ្វើឲ្យបញ្ហាកាន់តែធ្ងន់ធ្ងរថែមទៀតទៅវិញទេ។ បើសិនជាសង្ស័យមានបញ្ហានេះ ចូរទំនាក់ទំនងទៅគ្រូពេទ្យបន្ថែម។
អ្នកអាចធំក្លិនដូច ការរួមភេទ
ទឹករំអិលចេញពីទ្វារមាស គឺជា អាស៊ីត (pH ទាប) ខណៈពេលដែលទឹកកាមគឺជា អាលកាឡាំង (pH ខ្ពស់)។ នៅពេលរបស់ទាំងពីរនេះប៉ះគ្នា ប្រតិកម្មគីមីនឹងបង្កើតជាសមាសធាតុថ្មីដែលអាចបង្កជាក្លិននៅខាងក្នុងបាន។ ចំពោះក្លិនពិតប្រាកដវិញអាស្រ័យទៅតាមកម្រិត pH របស់មនុស្សម្នាក់ៗដែរ។ បើសិនជាអ្នកធំក្លិនស្អុយ ឬឆ្អាបក្រោយពេលរួមភេទរួច យកល្អគួរតែទៅជួបពេទ្យដើម្បីពិនិត្យ ព្រោះវាអាចជាសញ្ញានៃការអតុល្យភាពបាក់តេរីក្នុងទ្វារមាស ឬការបង្ករោគណាមួយក្នុងទឹកកាមរបស់ដៃគូវិញ៕