អង់គ្លេស៖ ថ្មីៗនេះក្លិបមាន់ខ្នាយមាស Tottenham Hotspur បានចេញមកបញ្ជាក់ថាការចុះកិច្ចសន្យាបន្តកុងត្រាជាមួយរនាំងការពារ Eric Dier ត្រូវបានចប់រួចរាល់អស់ហើយ ពោលគឺកីឡាកររូបនេះនឹងនៅលេងឲ្យ Spurs រហូតដល់ឆ្នាំ២០២៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងដែរថាកុងត្រាចាស់របស់កីឡាករវ័យ២៦ឆ្នាំរូបនេះជាមួយ Spurs នឹងត្រូវបញ្ចប់នៅចុងរដូវកាលក្រោយ ហេតុដូចនេះហើយបានជាលោក Jose Mourinho ព្យាយាមចរចាបន្តកិច្ចសន្យាជាមួយរូបគេតាំងពីខែមុនមកម្ល៉េះ។
តារាសញ្ជាតិអង់គ្លេស Eric Dier បានផ្លាស់ពីក្លិប Sporting Lisbon មកចូលរួមជា Spurs នៅក្នុងឆ្នាំ២០១៤ ដោយបង្ហាញខ្លួនសរុបឲ្យក្លិបមួយនេះបាន២៣៩ប្រកួត និងរកបាន១១គ្រាប់ផងដែរក្នុងនាមជាខ្សែបម្រើការពារ។
លើសពីនេះរូបគេក៏បានដាក់គោលដៅធំមួយបន្ទាប់ពីបន្តសន្យាជាមួយ Spurs ពោលគឺចង់ឈ្នះពាន យ៉ាងហោចមួយក្នុងចំណោមពានធំៗនៅអង់គ្លេស ក៏ដូចជានៅទ្វីបអឺរ៉ុបទាំងមូល មុនពេលដែលរូបគេចាកចេញពីក្លិបមួយនេះ៕
ប្រភព៖ skysports