បែកធ្លាយ Floyd អាចនឹងប៉ះជើងខ្លាំងរបស់ជប៉ុន Takashi Uchiyama ដែលល្បីថាផ្តួលគូប្រកួតតែមួយដៃ

បរទេស៖ បន្ទាប់ពីផ្តួលកីឡាករវ័យក្មេងរបស់ជប៉ុន ដោយចំណាយពេលត្រឹមតែ២នាទី រកបាន៧លានផោន (ប្រមាណជិត៩លានដុល្លារ) កាលពីឆ្នាំ២០១៨ ស្តេចប្រដាល់ចាយលុយដូចក្រដាស Floyd Mayweather កំពុងចចារប្រកួតម្តងទៀតនៅឯប្រទេសជប៉ុន។

យ៉ាងណាមិញ គូប្រកួតរបស់ Floyd នៅមិនទាន់ច្បាស់លាស់ថាជានរណានៅឡើយទេ។  ដោយឡែកបើយោងតាមកាសែត eFight  អ្នករៀបចំកម្មវិធី RIZIN កំពុងមមាញឹកក្នុងការផ្គូផ្គងស្ដេចប្រដាល់សញ្ជាតិអាមេរិករូបនេះ ឲ្យប៉ះជាមួយនឹងអតីតម្ចាស់ខ្សែក្រវ៉ាត់ WBA កីឡាករ Takashi Uchiyama។ Uchiyama វ័យ៤០ឆ្នាំ គេចូលនិវត្តន៍ពីអាជីបក្នុងឆ្នាំ២០១៦ ក្រោយកាចាញ់ជាប់គ្នា២ដង ពេលប៉ះជាមួយកីឡាករប៉ាណាម៉ា។  

ប្រវត្តិប្រកួតរបស់គេមិនធម្មតាឡើយ ដោយផ្តួលដៃគូឲ្យសន្លប់២០ដង ក្នុងការប្រកួតទាំង២៤។ ទោះបីជាយ៉ាងដូច្នេះក៏ដោយជំនួបមួយនេះស្ថិតក្រោមការចរចារពិភាក្សាគ្នា ដោយសារនូវមានបញ្ហាមួយចំនួនដូចជា រឿងលុយជាដើម៕

ប្រភព៖ The Sun