កូនទុកមួយឡែក! ទៅមណ្ឌលគីរីលើកនេះ ឱក សុគន្ធកញ្ញា កាន់តែផ្អែមល្ហែមជាមួយស្វាមី

មណ្ឌលគីរី៖  ក្រោយពីរៀបការរួច ពេលនេះកំពូលតារាចម្រៀងអ្នកនាង ឱក សុគន្ធកញ្ញា កំពុងកសាងជិវិតគ្រួសារយ៉ាងមានសុភមង្គល បន្ទាប់ពីសម្រាលបានកូនប្រុសម្នាក់មានមុខមាត់គួរឲ្យក្នាញ់។ ម្យ៉ាងវិញទៀត មួយរយៈចុងក្រោយនេះ នាងតែងតែបង្ហាញពីសកម្មភាពឯកជន ចែកជូនដល់ហ្វេនៗបានឃើញជាប្រចាំ។

យ៉ាងណាមិញ បើងាកទៅមើលជីវិតក្រោយមានស្វាមី មានកូនរួច ឃើញថាតារាចម្រៀងស្រីរូបនេះ កាន់តែទទួលបានក្ដីសុខ កាន់តែខ្លាំង ដោយមានស្វាមីផ្ដល់ក្ដីស្រលាញ់ ភាពកក់ក្ដៅ និងជាមេគ្រួសារដ៏ល្អ បើទោះបីរវល់ជាមួយការងារយ៉ាងណា ក៏ឆ្លៀតពេលមកជួយមើលថែទាំកូនជំនួសនាងផងដែរ។ មិនតែប៉ុណ្ណោះ ថ្មីៗនេះ អ្នកនាង ឱក សុគន្ធកញ្ញា ឆ្លៀតពេលទំនេរពីការងារដឹកដៃគ្រួសារទៅលំហែកាយតាមរមណីដ្ឋានជាញឹកញាប់ផងដែរ។

ជាក់ស្ដែងមុននេះបន្តិច កំពូលតារាចម្រៀងរូបនេះ បានបង្ហោះរូបភាពយ៉ាងផ្អែមល្ហែមជាមួយស្វាមី មិនចាញ់គូស្នេហ៍កម្លោះក្រមុំប៉ុន្មានឡើយ បើទោះមានកូនមួយហើយក៏ដោយ។ ហើយរូបភាពថ្មីជាច្រើនសន្លឹកនេះ បញ្ជាក់ឲ្យឃើញថា នាងជាមួយស្វាមីពិតជាស្រលាញ់គ្នាកាន់តែខ្លាំង ជាពិសេស មើលទៅពិតជារ៉ូមែនទិកតែម្ដង។ ដោយអ្នកទាំងពីរបានបង្ហាញអារម្មណ៍យ៉ាងសប្បាយរីករាយ និងផ្ដល់ស្នាមញញឹមចំពោះគ្នា ធ្វើឲ្យហ្វេនៗច្រណែននឹងជីវិតប្ដីប្រពន្ធអ្នកទាំងពីរមិនស្ទើរឡើយ៕

សូមទស្សនារូបភាបខាងក្រោម៖​