ឥណ្ឌា៖ បុរសម្នាក់មានឈ្មោះថា អាឡុក ម៉ូហានធី ជាអ្នកជំនួញ និងមានទ្រព្យស្ដុកស្ដម្ភ រស់នៅក្នុងទីក្រុង Cuttack រដ្ឋ Odisha បានពាក់ម៉ាស់មាសការពារវីរុសកូរ៉ូណា ដែលមានតម្លៃរាប់ពាន់ដុល្លារអាមេរិកឯណោះ។

យោងតាមសម្ដីរបស់លោក អាឡុក បានឲ្យដឹងថា រូបលោកផ្ទាល់ឈ្លក់វង្វេងនឹងគ្រឿងអលង្ការមាសតាំងពីវ័យក្មេងម៉្លេះ។ ហើយមានមនុស្សជាច្រើនបានហៅលោកថា  «បុរសមាស» ដោយសារតែលោកចូលចិត្តពាក់គ្រឿងអលង្ការមាសជាប្រចាំ ចាប់តាំងពី៤០ឆ្នាំមុន។ 

ក្រោយពីឃើញបុរសជនជាតិឥណ្ឌាដូចគ្នាម្នាក់ ឈ្មោះថា សាន់កា គូហាដ ពាក់ម៉ាស់ច្នៃពីមាសទម្ងន់៥០ក្រាម មានតម្លៃស្មើនឹងប្រមាណ៣,៨៧០ដុល្លារអាមេរិក លោកក៏បានសម្រេចចិត្តច្នៃម៉ាស់មាសសម្រាប់ខ្លួនឯងមួយដែរ។ ហើយម៉ាស់មាសរបស់លោក បានចំណាយពេលធ្វើអស់រយៈពេល២២ថ្ងៃ ដែលមានទម្ងន់ពី៩០ទៅ១០០ក្រាម ស្មើនឹងទឹកប្រាក់ប្រមាណ៤,៧០០ដុល្លារអាមេរិក។

ជុំវិញរូបភាពរបស់លោក អាឡុក ត្រូវបានគេយកទៅបង្ហោះចែកចាយពាសពេញបណ្ដាញសង្គម ដោយទទួលបានការចាប់អារម្មណ៍យ៉ាងច្រើនពីសំណាក់មហាជន និងមិនចាញ់លោក សាន់កាប៉ុន្មានផងដែរ៕

សូមទស្សនារូបភាពខាងក្រោម៖

លោក អាឡុក
លោក អាឡុក និងម៉ាស់មាស
លោក អាឡុក និងម៉ាស់មាស
ម៉ាស់មាសរបស់លោក អាឡុក

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ