ឥណ្ឌូណេស៊ី៖ ក្រុមអ្នកស្រាវជ្រាវមកពីសកលវិទ្យាល័យជាតិសិង្ហបុរី បានប្រទះឃើញកន្លាតសមុទ្រដ៏ធំមួយក្បាលនៅក្នុងមហាសមុទ្រឥណ្ឌារបស់ប្រទេសឥណ្ឌូណេស៊ី ដែលមានមុខមាត់ស្រដៀងនឹងតួអង្គ Dart Vader ក្នុងរឿងបែបវិទ្យាសាស្រ្ដ Star Wars ហើយត្រូវបានចាត់ទុកជាអម្បូរសត្វប្រភេទថ្មីផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកន្លាតយក្សដ៏គួរឲ្យខ្លាច មានជើងរហូតទៅដល់១៤នេះ ត្រូវក្រុមអ្នកស្រាវជ្រាវ ដែលដឹកនាំដោយលោក Peter Ng រួមនឹងសហការីប្រទះឃើញ កំឡុងពេលចុះស្រាវជ្រាវ ទីតាំងចំនួន ៦៣កន្លែងប្រើរយៈពេល ២សប្ដាហ៍ នៅដែនសមុទ្រ Banten ក្នុងមហាសមុទ្រឥណ្ឌា ស្ថិតនៅខេត្ត Java ភាគខាងលិច ប្រទេសឥណ្ឌូណេស៊ី។
កន្លាតដ៏ចម្លែក ដែលក្បាលនិងភ្នែករបស់វាប្រហាក់ប្រហែលនឹងស្រោមមុខរបស់តួអង្គក្នុងខ្សែរភាពយន្ដ Star Wars ខាងលើ ត្រូវបានគេដាក់ឈ្មោះជាផ្លូវការថា «Bathynomus raksasa» ។
Bathynomus raksasa អាចហៅម៉្យាងទៀតថា Giant isopod ដែលស្រដៀងនឹងសត្វកន្លាត ហើយវាមានទំនាក់ទំនងយ៉ាងជិតស្និទ្ធជាមួយប្រភេទសត្វសមុទ្រដទៃទៀត ដូចជាក្ដាម និងបង្គាជាដើម។ វាស៊ីសាកសពសត្វដែលងាប់ហើយលិចចូលទៅក្នុងបាតសមុទ្រជាអាហារ ប៉ុន្ដែអ្វីដែលពិសេស គឺវាក៏អាចរស់នៅដោយគ្មានអាហារក្នុងរយៈពេលយូបានទៀតផង៕
គួរឲ្យបញ្ជាក់ថា បេសកម្មនេះ បានសហការជាមួយវិទ្យាស្ថានវិទ្យាសាស្រ្ដរបស់ឥណ្ឌូណេស៊ី ហើយប្រមូលបានសំណាករាប់ពាន់ ដែលការងានេះបានធ្វើឡើងនៅក្នុងជម្រៅទឹកជាមធ្យមប្រហែល ០.៤៩ ម៉ាយល៍ (ជិត ៨០០ ម៉ែត្រ) ហើយគំរូជ្រៅបំផុត ១.៣ ម៉ាយល៍ (ជិត ២១០០ ម៉ែត្រ) ពោល គឺនៅក្រោមផ្ទៃនៃមហាសមុទ្រតែម្ដង៕
សូមទស្សនារូបភាពខាងក្រោម៖