រដ្ឋធានីវៀងច័ន្ទ៖ ក្រសួងសុខាភិបាលឡាវបានរាយការណ៍ថា មានករណីជំងឺគ្រុនឈាមចំនួន ១១៣ ករណីទៀតកាលពីថ្ងៃព្រហស្បតិ៍ដែលធ្វើឱ្យចំនួនអ្នកឆ្លងសរុបកើនឡើងដល់ ៣,២០២ នាក់នៅទូទាំងប្រទេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមជ្ឈមណ្ឌលព័ត៌មាន និងអប់រំដើម្បីសុខភាពនៃក្រសួងសុខាភិបាលឡាវបាននិយាយថា មនុស្សប្រមាណ ៣,២០២ នាក់ត្រូវបានគេធ្វើរោគវិនិច្ឆ័យថា មានជំងឺគ្រុនឈាម និងមានអ្នកស្លាប់ចំនួន ៨ នាក់។
ចំនួនអ្នកជំងឺគ្រុនឈាមខ្ពស់ជាងគេត្រូវបានរាយការណ៍នៅរដ្ឋធានីវៀងច័ន្ទ ប្រទេសឡាវដែលមានចំនួន ៦៧៨ នាក់ ខណៈ ៤០១ ករណីត្រូវបានកត់ត្រានៅក្នុងខេត្តវៀងច័ន្ ទនិង ៣៥៩ ករណីទៀតនៅក្នុងខេត្ត Bolikhamxay ។
អ្នកស្លាប់ទាំង ៨ នាក់នោះរួមមាន ៣ នាក់នៅវៀងច័ន្ទ, ២ នាក់នៅ Bolikhamxay, ១ នាក់នៅខេត្ត Khammuan, ១ នាក់នៅខេត្ត Xayaboury និងម្នាក់ទៀតនៅខេត្ត Xieng Khuang ។
អាជ្ញាធរសុខាភិបាលឡាវបានជំរុញឱ្យប្រជាជនធ្វើអនាម័យដោយបោសសម្អាតកន្លែងបង្កាត់ពូជមូសដែលមាននៅជុំវិញផ្ទះ និងកន្លែងធ្វើការរបស់ពួកគេដើម្បីជួយគ្រប់គ្រងការរីករាលដាលនៃជំងឺគ្រុន ឈាម។
គួរបញ្ជាក់ផងដែរថា យោងតាមអង្គការសុខភាពពិភពលោក (WHO) ជំងឺគ្រុនឈាមគឺជាជំងឺមួយដែលបណ្តាលមកពីមូស ខាំដែលកំពុងកើតមាច្រើន និងលឿនបំផុតនៅប្រទេសថៃ ឡាវ ហ្វីលីពីន និងសិង្ហបុរីផងដែរ។ ជាងនេះទៀតចំនួនករណីជំងឺគ្រុនឈាមនៅតំបន់ប៉ាស៊ីហ្វិកភាគខាងលិចបានកើនឡើងទ្វេដងក្នុងរយៈពេល ១០ ឆ្នាំកន្លងមកនេះ៕
ប្រភពព័ត៌មាន៖ ទីភ្នាក់ងារសារព័ត៌មានស៊ីនហួរ