តា Sarri ថាកីឡាកររបស់ Juventus ល្អៗហើយ ប៉ុន្តែនៅតែធ្វើរឿងមួយនេះអត់ទាន់បាន

ខ្ញុំដូចជាពិបាកយល់ណាស់ នៅក្នុងមួយប្រកួតពួកយើងតែងតែមានពេលដែលលេងត្រូវជើងគ្នាល្អ និងពេលដែលលេងមិនត្រូវគ្នាសោះ។ ជាក់ស្តែងយើងធ្វើបានល្អហើយដែលទប់បានត្រឹមស្មើជាមួយក្លិបកំពុងឡើងជើង Sassuolo នោះ ដោយពួកគេឈ្នះ៤ប្រកួតជាប់គ្នាទៅហើយ។ យ៉ាងណាមិញប្រសិនបើយើងលេងឲ្យបានត្រូវជើងគ្នាក្នុងមួយប្រកួតពេញនោះ ក្រុមរបស់យើងនឹងទទួលលទ្ធផលល្អជាងនេះជាក់ជាមិនខាន។ ភាគច្រើនយើងលេងនៅតំបន់បម្រើកណ្តាល ហើយកីឡាកររបស់យើងបោះបាល់ខូចច្រើនណាស់។ កីឡាកររបស់យើងព្យាយាមស៊ុតទៅហើយ នៅពេលដែលប៉ះបាល់ទើបតែបាន២ទៅ៣ប៉ះនោះ។ យើងត្រូវតែប៉ះបាល់ឲ្យបានច្រើនជាងនេះ ទើបងាយស្រួលក្នុងការគ្រប់គ្រងស្ថានការណ៍ប្រកួត។