ប្រាក៖ ក្រុមអាជ្ញាធរសាធារណរដ្ឋឆេកបាន​រាយការណ៍ថា យ៉ាងហោចណាស់​មានមនុស្សម្នាក់បានស្លាប់ និង​ជាច្រើននាក់​ទៀត​រងរបួស បន្ទាប់ពីឧបទ្ទេវហេតុរថភ្លើងបុករថភ្លើងនៅ​សាធារណរដ្ឋឆេក បានកើតឡើងជាលើកទី២ ក្នុង​រយៈពេលមិនដល់មួយខែផង។ នេះបើយោងតាមការផ្សាយរបស់ទីភ្នាក់ងារសារព័ត៌មាន Reuters ។

គ្រោះថ្នាក់រថភ្លើងនេះ បានកើតឡើងជាលើកទី២ 

ប្រភពខាងលើបន្តថា គ្រោះថ្នាក់រថភ្លើងបុកគ្នានេះ បានកើតឡើងកាលពីល្ងាចថ្ងៃអង្គារ ក្បែរតំបន់ទីប្រជុំជន Ceski Brod ចម្ងាយ ៣៤គីឡូម៉ែត្រ ខាងកើត​រដ្ឋធានីប្រាក។ ​​ក្រោយហេតុការណ៍កើតឡើងភ្លាមៗ ក្រុមអ្នកជួយសង្គ្រោះ បាន​ចុះទៅដល់កន្លែងកើតហេតុ និងជួយអន្តរាគមន៍​រហូតដល់យប់ជ្រៅ។

មនុស្ស ៣៥នាក់ បានរងរបួសធ្ងន់ស្រាល

យោងតាមទីភ្នាក់ងារសារព័ត៌មាន CTK ក៏បានឱ្យដឹងដែរថា គ្រោះថ្នាក់រថភ្លើងនេះបានបណ្តាលឱ្យមនុស្ស ៣៥នាក់រងរបួស ដោយក្នុងចំណោមនោះមាន ២នាក់​របួសស្រាល និង៨នាក់​របួសធ្ងន់ ហើយចំណែកអ្នកបើករថភ្លើង​ បានស្លាប់ភ្លាមៗនៅកន្លែងកើតហេតុ។

អ្នកបើករថភ្លើង​ បានស្លាប់ភ្លាមៗនៅកន្លែងកើតហេតុ

​គួររម្លឹកផងដែរថា កាលពីថ្ងៃអង្គារសប្តាហ៍មុននេះ ក៏មានគ្រោះថ្នាក់រថភ្លើងដូចគ្នានេះដែរ ដែលបាន​កើតឡើងនៅភាគពាយព្យក្នុង​សាធារណរដ្ឋឆេក ក្បែរព្រំដែនជាមួយប្រទេសអាល្លឺម៉ង់ បណ្តាលឱ្យមនុស្ស ២នាក់ស្លាប់ និង ២៤នាក់​រងរបួស៕

អ្នករងរបួសទាំងអស់ ត្រូវបានគេបញ្ជូនទៅសង្គ្រោះនៅមន្ទីរពេទ្យ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ