នេះបានគេហៅថាអ្នកពូកែទាត់មែន! មានដែលឃើញ Nong O ទាត់កីឡាករជប៉ុនម្នាក់ សឹងតែខ្ទេចមួយចំហៀងខ្លួនទេ (មានវីដេអូ)

ភ្នំពេញ៖ កីឡាករ Nong O ជាកំពូលអ្នកប្រដាល់ដ៏ខ្លាំងម្នាក់នៅប្រទេសថៃ ដែលធ្លាប់ប្រកួតរហូតទៅដល់ ៣១៦ដង ចាញ់៥៤ដង និងស្មើ១ដង។

កីឡាករវ័យ​៣៣ឆ្នាំរូបនេះ ជាម្ចាស់ខ្សែក្រវ៉ាត់ពិភពលោករបស់សង្វៀន ONE ក្រោយការដណ្តើមបានកាលពីឆ្នាំ២០១៩។ ភាគច្រើនដៃគូរបស់ Nong O ពិបាកទប់ជាមួយនឹងកម្លាំងជើងដ៏ធ្ងន់របស់គេ សូម្បីតែស្តេចប្រដាល់ថៃ Seanchai ក៏ដោយ។

ថ្មីៗនេះ ONE បានបញ្ចេញវីដេអូ របស់ Nong O កាលពីប្រកួតជាមួយកីឡាករជប៉ុន Hiroaki Suzuki ដែលជាការប្រកួតការពារខ្សែក្រវ៉ាត់ ដោយបានប្រើរន្ទះជើងរបស់ខ្លួន មិនក្រោម៥០ដង ទាត់ធ្វើឲ្យកីឡាកររូបនេះមានរបួសមួយចំហៀងខ្លួនជាខ្លាំង ទោះបីជា Hiroaki ​ព្យាយាមចូលវាយកណ្តាប់ដៃក៏ដោយ។

គេឃើញមានស្នាមបែកឈាមចេញពីមួយចំហៀងឆ្អឹងជំនីខាងឆ្វេងរបស់កីឡាជប៉ុនរូបនេះ ទស្សនាទៅគួរឲ្យព្រឺព្រួចមិនធម្មតា៕ 

ចង់ឃើញកម្លាំងជើងរបស់ Nong O ទៅទស្សនាវីដេអូខាងក្រោមទាំងអស់គ្នា៖