ឡូយមែនទែន! ធ្លាប់តែឃើញទីលានប្រណាំងឡានស្រុកគេ ពេលនេះទីលានប្រណាំងឡានមាននៅខ្មែរហើយ

កំពង់ស្ពឺ៖ ថ្មីៗនេះទីលានប្រណាំងឡានដំបូងគេបង្អស់ និងធំជាងគេនៅក្នុងប្រទេសកម្ពុជា បានលេចឡើងនៅក្នុងខេត្តកំពង់ស្ពឺ។ “Yamamoto Circuit” ជាកន្លែងកម្សាន្តមួយ ដែលមានសេវាកម្ម Go-Kart ប៉ុន្តែសម្រាប់អ្នកមិនធ្លាប់ជិះ ក៏អាចជិះលេងបានដែរ ព្រោះនៅទីនោះមានអ្នកចាំពន្យល់យ៉ាង យកចិត្តទុកដាក់។

កាលពីមុនៗធ្លាប់គិតថា បើបានទៅលេងស្រុកគេនឹងទៅជិះឡានប្រណាំង ប៉ុន្តែពេលនេះមាននៅស្រុកយើងហើយ ឡានថ្មីៗច្រើនគ្រឿង ទីលានធំទូលាយងាយស្រួលបើកប្រណាំងយ៉ាងសប្បាយរីករាយ រីឯទេសភាពជុំវិញព័ទ្ធទៅដោយភ្នំដ៏ខៀវស្រងាត់។

ចង់ដឹងអត់ថា ទីតាំងទីលានប្រណាំងឡាននេះនៅឯណា? គឺមានទីតាំងស្ថិតនៅក្នុងតំបន់កសិទេសចរណ៍ ម៉ុងឬទ្ធី សែនជ័យ ក្នុងស្រុកសំរោងទង ខេត្តកំពង់ស្ពឺ។ បើធ្វើដំណើរតាមផ្លូវជាតិលេខ៤ គិតជាចម្ងាយប្រហែល ៤០គម ពីរង្វង់មូលចោមចៅ (ហួសផ្សារព្រៃផ្តៅបន្តិច រួចមានផ្លូវបត់នៅខាងឆ្វេងដៃ)។

គួរបញ្ជាក់ផងដែរថា ក្រៅពី Go-Kart ប្រណាំងឡាន តំបន់កសិទេសចរណ៍មួយនេះក៏មានដូចជាសួនសត្វ ហាងកាហ្វេ ភោជនីយដ្ឋាន និងកញ្ចុះសម្រាប់អង្គុយលេងផងដែរ៕

សូមទស្សនារូបភាពខាងក្រោម៖