យល់ដឹង៖ យោងតាម ការសិក្សាស្រាវជ្រាវ បានឲ្យដឹងថា មានមនុស្សជាងពាក់កណ្តាល ដែលស្មើនឹង៥៨ភាគរយទៅហើយ នៃពលរដ្ឋកម្ពុជាសរុប ដែលកំពុងតែប្រើប្រាស់បណ្តាញសង្គម ក្នុងពេលបច្ចុប្បន្ននេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ មានប្រជាពលរដ្ឋខ្មែរជាង៧ លាននាក់ កំពុងតែប្រើប្រាស់ បណ្តាញសង្គមហ្វេសប៊ុក។ ហើយចំណោមនោះ មិនមែនមានតែ មនុស្សពេញវ័យ វ័យកណ្តាល ឬមនុស្សចាស់ ដែលលេងនោះទេ តែក៏មានក្មេង ដែលមានអាយុចន្លោះពី១៣ ទៅ១៧ឆ្នាំ ស្មើនឹង៦.៥ភាគរយ ក៏កំពុងតែប្រើប្រាស់ នៅបណ្តាញសង្គមហ្វេសប៊ុក មួយនេះផងដែរ។
ខណៈពេលដែល មានមនុស្សមួយចំនួន បានប្រើប្រាស់បណ្តាញសង្គម ធ្វើជាកន្លែងបញ្ចេញអារម្មណ៍ ជេរប្រមាថ ហែកហួរគ្នា និងរិះគន់ជាន់ពន្លិចអ្នកដទៃ ជាហូរហែរដែល អំពើបែបនេះ វាស្ទើទៅជាទម្លាប់ទៅហើយ របស់អ្នកលេងបណ្តាញសង្គម ហ្វេសប៊ុក កម្ពុជាបច្ចុប្បន្ននេះ៕ តើអំពើបែបនេះ គួរតែបន្តដែរឬទេ? តើយើងគួរតែយកបណ្តាញសង្គមធ្វើជាកន្លែងបញ្ចេញអារម្មណ៍ជេរប្រមាថគ្នាបែបនេះដែរឬទេ?
រូបភាពបែបនេះ បើនៅតែបន្តទៀត វានឹងជះឥទ្ធិពលមិនល្អជាខ្លាំង ទៅដល់៖
១. ក្មេងៗ
ដូចការបញ្ជាក់ខាងលើថា បណ្តាញសង្គមហ្វេសប៊ុក មិនបានកំណត់ ឬធ្វើការហាមឃាត់ មិនឲ្យក្មេងលេងនោះទេ ដូច្នេះក្មេងៗ ក៏មានសិទ្ធិលេងដូចគ្នាដែរ។ ហើយប្រសិនបើ មនុស្សចាស់ៗ ធ្វើជាគំរូមិនល្អ បង្ហោះវីដេអូជេរប្រមាថគ្នា ទោះតិចឬច្រើន ក៏ប្រាកដជាជះឥទ្ធិពល អវិជ្ជាមានទៅលើពួកគេ។ ដូច្នេះវាក៏ជាគំរូ នៅពេលមានរឿងអ្វីបន្តិចបន្តួច ពួកគេក៏ប្រើការជេរប្រមាថបង្ហោះ លើបណ្តាញសង្គមមួយនេះ ធ្វើជាកន្លែងកាត់ក្តីឲ្យពួកគេដែរ។
២. ការធ្លាក់ចុះនៃសីលធម៌សង្គម
ប្រសិនបើ សកម្មភាពបែបនេះ នៅតែបន្តយូរៗ វាក៏នឹងក្លាយទៅជាទម្លាប់។ ទម្លាប់ឃើញគេ ធ្វើអ្វីខុសបន្តិច មិនទាន់ដឹងហេតុការណ៍ ច្បាស់លាស់ផង យោងតែតាមរូបភាពតែមួយជ្រុង លើបណ្តាញសង្គម ក៏ចាប់ផ្តើមធ្វើការវិនិច្ឆ័យ ថាគេខុសបែបនេះ បែបនោះ ហើយក៏នាំគ្នាចូលទៅ ជេរប្រមាជ រិះគន់ ទាំងមិនមាន ការគិតពិចារណា ឲ្យបានត្រឹមត្រូវ ពីដំណើរដើមទង នៃសាច់រឿងទាំងមូល។
៣. បង្កជម្លោះ
នៅពេលដែល យើងប្រើប្រាស់ពាក្យជេរប្រមាថ ទៅលើអ្នកដទៃ វាជារឿងដ៏ខុសមួយ ព្រោះថាបើទោះបីជា បុគ្គលម្នាក់នោះ ធ្វើខុសក៏ពិតមែន តែយើងក៏គ្មានសិទ្ធិ ក្នុងការជេរប្រមាថ អ្នកទៃនោះដែរ។ រឿងបែបនេះ ច្រើនតែកើតឡើង ចំពោះអ្នកគាំទ្ររបស់តារាល្បីៗ ដែលប្រើប្រាស់ ការជេរបញ្ចោរគ្នា រហូតបង្កទៅជាជម្លោះ រវាងគ្នានឹងគ្នា ដើម្បីចង់ចាញ់ចង់ឈ្នះ ទាំងដែលការពិត តារាទាំងនោះ មិនទាំងដឹងផងក៏មាន។