ទោះបីពេលប្រកួត Cristiano Ronaldo មិនសូវបង្ហាញទឹកមុខសប្បាយរីករាយ ប៉ុន្តែលោកនូវតែអាចធ្វើរឿងនេះបានយ៉ាងល្អ

អឺរ៉ុប៖ ដូចដែលយើងបានឃើញស្រាប់ហើយមកថា ក្នុងការប្រកួត២លើកនេះ ទឹកមុខរបស់ Cristiano Ronaldo មិនសូវបានបង្ហាញនូវទឹកមុខសប្បាយរីករាយទៅកាន់អ្នកគាំទ្ររបស់លោកប៉ុន្មានទេ គឺថាសឹងតែមិនមានតែម្តង សូម្បីតែពេលរូបលោកធ្វើការអបអរគ្រាប់បាល់ក៏ Cristiano Ronaldo មិនមាននូវស្នាមញញឹមដែរ គ្រាន់តែរូបលោកធ្វើការត្រេកអរជាមួយមិត្តរួមក្រុមតែប៉ុណ្ណោះ។

ការដែល Ronaldo បានប្រកាន់ភ្ជាប់ទឹកមុខបែបនេះរហូតពេលដែលប្រកួត បានធ្វើឱ្យអ្នកគាំទ្រជាច្រើនរបស់លោក មានការចាប់អារម្មណ៍ជាខ្លាំងចំពោះទឹកមុខមួយនេះ រួមទាំងម៉ូតសក់ថ្មីរបស់លោក Cristiano Ronaldo ប្រៀបបានទៅជាមនុស្សថ្មីមួយទៀត និងសូម្បីតែរូបថតរបស់លោក ជាមួយម៉ូតសក់ថ្មីនោះ ក៏មានសុទ្ធតែរូបថតដែលគ្មានស្នាមញញឹមផងដែរ។ 

បើទោះបីជា Ronaldo មានទឹកមុខបែបនេះក៏ដោយ ក៏ Ronaldo បានបង្ហាញនូវទម្រង់លេងយ៉ាងល្អនៅក្នុងក្រុម ដែលធ្វើឱ្យអ្នកគាំទ្រជាច្រើនរឹតតែស្រលាញ់រូបលោកថែមទៀត បើទោះបីជារូបលោកបានប្រកួតចាញ់ Milan លទ្ធផល ២-៤ ក៏ដោយ៕