រុស្ស៊ី៖ មជ្ឈមណ្ឌលឆ្លើយតបនឹងជំងឺ COVID -១៩ របស់ប្រទេសរុស្ស៊ីបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា ប្រទេសរុស្ស៊ីបានកត់ត្រាករណីថ្មីនៃជំងឺ COVID -១៩ ចំនួន ៦,៦៣៥ ក្នុងរយៈពេល ២៤ ម៉ោងចុងក្រោយដោយបង្កើនចំនួនករណីឆ្លងសរុប ៧១៣,៩៣៦ នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំនួនអ្នកស្លាប់ថ្មីក្នុងប្រទេសបានកើនឡើង ១៧៤ នាក់ដែលនាំអោយចំនួនអ្នកស្លាប់សរុបកើនដល់ ១១,០១៧ នាក់ ខណៈអ្នកជំងឺដែលបានជាសះស្បើយឡើងវិញសរុបចំនួន ៤៨៩,០៦៨ នាក់ដោយរួមបញ្ចូលទាំង ៧,៧៥២ នាក់ដែលបានជាសះស្បើយក្នុងរយៈពេល ២៤ ម៉ោងចុងក្រោយនេះផងដែរ។
ទីក្រុងមូស្គូដែលជាតំបន់រងគ្រោះខ្លាំងជាងគេបំផុតរបស់ប្រទេសនេះដែលបានរាយការណ៍ពីករណីឆ្លងថ្មីចំនួន ៦៣៧ ករណីដែលនាំអោយមានករណីឆ្លងសរុបដល់ ២២៨,០០០ នាក់។
កាលពីថ្ងៃព្រហស្បតិ៍មនុស្សចំនួន ២៧៨,៤១០ នាក់ត្រូវបានស្ថិតក្នុងការតាមដានដោយអ្នកវេជ្ជសាស្ត្រនៅឡើយ ខណៈដែលចំនួនអ្នកបានធ្វើតេស្តមានជាង ២២,៣ លាននាក់និងត្រូវបានធ្វើឡើងនៅទូទាំងប្រទេស៕
ប្រភព៖ ទីភ្នាក់ងារសារព័ត៌មានស៊ីនហួរ