ពេលខ្លះក្រុមហ៊ុនសិល្បៈរបស់ប្រទេសកូរ៉េខាងត្បូង ក៏មានភាពខ្ជីខ្ជានៅក្នុងការមើលថែតារានៅក្រោមបង្គាប់របស់ខ្លួន ផងដែរ ព្រោះគេឃើញថាមានតារាជាច្រើនដែលត្រូវក្រុមហ៊ុនរបស់ខ្លួនមើលថែមិនបានល្អ។ ទាំងនេះគឺជាក្រុមតារា ចម្រៀងស្រីមួយចំនួនដែល បានទទួលរងផលប៉ះពាល់គួរសមពីទង្វើរបស់ក្រុមហ៊ុនរបស់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស1. PRISTIN
PRISTIN បានចេញមុខនៅដំបូងនៅឆ្នាំ ២០១៧ ពួកគេគឺតារារះថ្មីដែលមានភាពល្បីល្បាញមួយនៅក្នុងចំណោម ក្រុមតារាថ្មីៗនៅក្នុងឆ្នាំនោះ។ ពួកគេថែមទាំងបានឈ្នះពានរង្វាន់យ៉ាងច្រើនផងដែរ។
ក្រុមមួយនេះបានទទួលភាពល្បីល្បាញជាមួយនឹងបទចម្រៀងដំបូងរបស់ខ្លួន «Wee Woo» និងក្រោយមកក៏ត្រឡប់មកវិញជាមួយនឹងបទ «We Like»។ តែនោះគឺជាលើកចុងក្រោយដែលក្រុមនេះមានសកម្មភាពជាក្រុមបែបនេះ។ សមាជិកក្រុមឈ្មោះថា Kyla បានចាកចេញពីក្រុមដោយសារបញ្ហាសុខភាព។
បន្ទាប់មក Kyulkyung, Nayoung, Eunwoo, Rena, និង Roa បានចូលជាក្រុមមួយរួមគ្នា ហៅថា PRISTIN V.។ តែជាសំណាងមិនល្អ PRISTIN V មិនបានទទួលជោគជ័យនោះទេ ហើយនោះក៏ជាលើកចុងក្រោយដែលក្រុមនេះបានចេញបទចម្រៀង។ បន្ទាប់ពីនោះ Pledis Entertainment មិនបានបញ្ចេញសកម្មភាពថ្មីរបស់ក្រុមនេះទៀតទេ ថែមទាំងមិនបានផ្តល់ព័ត៌មានពីក្រុមទាំងមូលដល់អ្នកគាំទ្រទៀត រហូតដល់ថ្ងៃដែលក្រុមមួយនេះបានប្រកាសថានឹងរំសាយនៅក្នុងឆ្នាំ២០២០ ក៏បានធ្វើឳ្យអ្នកគាំទ្រសឹងតែមិនជឿ។
ទោះជាក្រុមមួយនេះបានលេចមុខមកក្នុងរយៈពេលខ្លី ប៉ុន្តែអ្នកគាំទ្របានកត់សម្គាល់ឃើញថាក្រុមហ៊ុនពិតជាមានការខ្ជីខ្ជាបំផុតក្នុងការមើលថែពួកគេ លើកឧទាហរណ៍នៅពេលដែលគម្រប់ខួបពីរឆ្នាំរបស់ក្រុម Pledis Entertainment មិនទាំងបានធ្វើការអបអរដល់ពួកគេផង។
2. CLC
CLC គឺជាក្រុមមួយដែលបាននិយាយពីការមិនពេញចិត្តរបស់ខ្លួនចំពោះក្រុមហ៊ុន Cube Entertainment ជាច្រើន ដង។ គណនីយ YouTube មួយដែលមានឈ្មោះថា clczone បានលើកឡើងនូវវីដេអូមួយចំនួនដែលក្រុមបានលើកឡើងពីការមិនពេញចិត្តទាំងនោះ ដូចជាមានពេលមួយនោះដែល Yeeun បាននិយាយទាក់ទងនឹងការប្រគុំតន្ត្រីរបស់ក្រុមខ្លួន ដោយអ្នកគាំទ្របានសួរនាំដល់ការប្រគុំតន្រ្តីទូទាំងពិភពលោករបស់ក្រុមខ្លួន។
នាងក៏បានឆ្លើយថាសុំទៅសួរពីក្រុមហ៊ុនរបស់ពួកនាងចុះ។ ក្រុមទាំងមូលក៏ត្រូវធ្វើចិត្តយ៉ាងច្រើន ជាមួយនឹងការដែលក្រុមហ៊ុនបានពន្យារពេលនៃការត្រឡប់មកវិញរបស់ពួកគេរហូត ដែលវាធ្វើឳ្យទាំងសមាជិកក្រុម និងអ្នកគាំទ្រខកចិត្តម្ដងហើយម្ដងទៀត។
អាចទស្សនាវីដេអូខាងក្រោមបាន៖
3. gugudan
Gugudan បានចេញមុខដំបូងនៅក្នុងឆ្នាំ ២០១៦ និងមានសកម្មភាពជាប់មករហូត ទោះជាយ៉ាងណាក៏ដោយលើក ចុងក្រោយដែលយើងបានឃើញពួកគេគឺនៅក្នុងឆ្នាំ ២០១៨។ សមាជិកក្រុមម្នាក់ដែលមានឈ្មោះថា Sally បានលើក ឡើងពីក្រុមហ៊ុនរបស់ខ្លួន Jellyfish Entertainment ដែលបានព្យាយាមទាត់ក្រុមរបស់ខ្លួនចោល ដោយនាងបាន និយាយថា៖
«មួយឆ្នាំកន្លះមុន ក្រុមហ៊ុនបែរជាប្រាប់ឳ្យពួកយើងទៅផ្ទះវិញ ប៉ុន្តែខ្ញុំមិនហ៊ានត្រឡប់ទៅប្រទេសចិនវិញ នោះទេ ខ្ញុំខ្លាចបើទៅវិញហើយខ្ញុំនឹងបោះបង់វាចោលរហូត។អ្វីដែលខ្ញុំអាចធ្វើបានគឺការដែលស្រែកយំដោយមាន សំបុត្រដែលអ្នកគាំទ្របានឳ្យមកនៅក្នុងដៃ ដើម្បីកាត់បន្ថយការតានតឹងចិត្តរបស់ខ្ញុំ ខ្ញុំនៅតែចង់អរគុណខ្លួនឯងដែល មិនព្រមបោះបង់នៅពេលនោះ»។
4. 2NE1
នៅខណៈពេលដែល 2NE1 គឺជាក្រុមធំមួយនៅក្នុងចំណោមក្រុមធំៗទៀតដែលមាននៅក្នុងក្រុមហ៊ុន YG Entertainment ក៏ដោយ នោះក៏មិនមែនមានន័យថាក្រុមហ៊ុននឹងយកចិត្តទុកដាក់លើពួកគេច្រើននោះដែរ។Yang Hyun Suk គឺជាអ្នកដឹកនាំក្រុមហ៊ុននៅពេលនោះ លោកតែងតែធ្វើការនិយាយចំៗនៅចំពោះមុខក្រុមតែម្ដង។
ពេលមួយនោះ CL បាននិយាយថា« YG ធ្លាប់បានមកមើលពួកយើងសមការប្រគុំតន្ត្រីម្ដង នៅពេលនោះពួកយើង មិនបានតុបតែងមុខនោះទេ គាត់មើលយើងពីចម្ងាយនៅតាមអេក្រង់នោះ ហើយនិយាយថា..ហ្អា....ពួកគេពិតជាអាក្រក់ មែនតើ គាត់និយាយបែបនោះនៅចំពោះមុខបុគ្គលិកគ្រប់គ្នា ហើយខ្ញុំពិតជាមានអារម្មណ៍ថាខកចិត្តខ្លាំង ណាស់»។
បន្ថែមពីលើនេះក្រុមហ៊ុនមួយនេះក៏មិនបានធ្វើការផ្សព្វផ្សាយក្រុមមួយនេះ ឳ្យបានពេញដៃពេញជើងនោះដែរ។ យោងទៅតាមការដែល 2NE1 ចេញបានតែអាល់ប៊ូមពីរប៉ុណ្ណោះ ក្នុងរយៈពេល៧ឆ្នាំដែលពួកគេធ្វើការយ៉ាងសស្រាក់ សស្រាំនោះ។ក្រុមហ៊ុនថែមទាំងធ្លាប់បានធ្វើការសន្យាខ្យល់ដល់អ្នកគាំទ្ររបស់ពួកគេជាច្រើនដងផងដែរ ដោយ YG Entertainment ធ្លាប់និយាយថានឹងបន្តសកម្មភាពរបស់ក្រុម ក្នុងនាមមានសមាជិកតែ៣នាក់ បន្ទាប់ពី Minzy បានចាកចេញទៅ ក្រោយមកក្រុមហ៊ុនបែរជាប្រកាសថាក្រុមទាំងមូលត្រូវបានរំសាយទៅវិញ។
5. T-ara
MBK Entertainment មានឈ្មោះល្បីល្បាញយ៉ាងខ្លាំងលើរឿងមើលថែតារារបស់ខ្លួនមិនបានល្អ សូម្បីតែ T-ara ក៏មិនអាចគេចផុតនោះដែរ។ កាលពីមុនសមាជិកក្រុមត្រូវបានក្រុមហ៊ុនបង្ខំឳ្យបង្អត់អាហារ ហើយ HyunA ដែលជា អតីតសមាជិកក្រុមរបស់ T-ara ថែមទាំងធ្លាប់ចេញមកបកអាក្រាតពីទង្វើអាក្រក់របស់ក្រុមហ៊ុន ដែលបានធ្វើដាក់ ក្រុមរបស់ខ្លួនទៀតផង។គួរបញ្ជាក់ផងដែរថាក្រុមទាំងមូលសម្រេចចិត្តចាកចេញពីក្រុមហ៊ុន កាលពីឆ្នាំ ២០១៨ ដោយសារតែទង្វើទាំងនេះ ប៉ុន្តែ MBK Entertainment មិនបានឳ្យពួកគេចាកចេញដោយស្រួលនោះទេ ដោយ ក្រុមហ៊ុនបានទាមទារច្បាប់ក្នុងការរក្សាសិទ្ធិឈ្មោះក្រុម ដើម្បីចៀសវាងសមាជិកនៅក្នុងក្រុមយកឈ្មោះនោះទៅផ្សព្វ ផ្សាយបាន។
នេះគឺជាគណនីយ៍ YouTube មួយដែលមានឈ្មោះថា Chaennie Lisoo ដោយបានធ្វើការបកស្រាយយ៉ាងពិស្តារ អំពីក្រុមហ៊ុនមួយនេះ។