លំហែ​កាយ? មិន​បាច់​​ជិះ​​ទៅ​​ខេត្ត​ឆ្ងាយ​ក៏បាន រម​ណីយ​ដ្ឋាន​ថ្មី​ៗ​​ទាំង​​នេះ​​នៅកៀក​បង្កើយនឹង​ក្រុង​ភ្នំពេញតែម្តង

យើងសង្កេតឃើញថានាពេលបច្ចុប្បន្ននេះ ការធ្វើដំណើរកម្សាន្តតាមទីជិតទីឆ្ងាយរបស់បងប្អូនប្រជាពលរដ្ឋខ្មែរ​នាថ្ងៃចុង​សប្តាហ៍មានការកើនឡើងគួរឲ្យកត់សម្គាល់។ ថ្ងៃបុណ្យជាតិឈប់សម្រាកផ្សេងៗ គ្រប់គ្នាសុទ្ធតែចង់​មាន​ពេល​វេលា​លំហែកាយ ថតរូបលេង ជួបជុំមិត្តភក្តិ បងប្អូនសាច់ញាតិ ឬជាមួយមនុស្សពិសេសរបស់ខ្លួនជាដើម បន្ទាប់ពីទំនេរពីភារកិច្ចរៀងៗខ្លួនប្រចាំថ្ងៃ។

ហេតុផលយ៉ាងដូច្នេះហើយ ទើបកំណើននៃការរីកលូតលាស់នៃសួនកម្សាន្ត និងរមណីយដ្ឋានក្តីកាន់តែមានច្រើន​ជាបន្តបន្ទាប់ទាំងនៅរាជធានីភ្នំពេញ និងតាមបណ្តាខេត្តនានាផងដែរ។

ទន្ទឹមនឹងភាពសម្បូរពោរពាសនៃកំណើនរមណីយដ្ឋានទាំងនេះនៅក្នុងប្រទេសកម្ពុជា ក៏មានប្រិយមិត្តខ្លះបានស្គាល់ និងខ្លះទៀតប្រាកដជាពុំទាន់បានស្គាល់ឡើយនូវរមណីយដ្ឋានថ្មីៗមួយចំនួនដែលស្ថិតនៅកៀក​បង្កើយនឹង​រាជធានី​ភ្នំពេញតែម្តង ហើយក៏ជាចំណុចល្អមួយដែរសម្រាប់អ្នកមានពេលវេលាខ្លី ឬ មិនចង់ចំណាយពេលយូរក្នុងការធ្វើ​ដំណើរ​​ទៅ​កាន់​បណ្តាខេត្តឆ្ងាយៗ។

តោះ! ចង់ដឹងរមណីយដ្ឋានណាខ្លះនៅកៀកនឹងភ្នំពេញយើងខ្លះ?

១. សួនសាងស្នេហ៍ កាណាឌីយ៉ា

ទីតាំងសួនកម្សាន្តនេះគឺស្ថិតនៅតំបន់ផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

២. សួនកម្សាន្ត លីម នុងនុត

សួនកម្សាន្តមួយនេះគឺមានទីតាំងស្ថិតនៅភូមិបឹង ឃុំរកា ស្រុកកណ្តាលស្ទឹង ខេត្តកណ្តាល។

៣. រមណីយដ្ឋាន ភូមិផ្កាត្រកួន

រមណីយដ្ឋាននេះមានទីតាំងស្ថិតនៅភូមិឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្តាល។

សូមជម្រាបផងដែរថា ទីតាំងរមណីយដ្ឋានទាំងបីខាងលើសុទ្ធតែមានដាក់បង្ហាញក្នុង Google Map ទាំងអស់តែម្តង ដែលវាផ្តល់ភាពងាយស្រួលសម្រាប់ប្រិយមិត្តដែលមានបំណងចង់ទៅទស្សនាកម្សាន្តអាច Search មើលបន្ថែម​ដើម្បីដឹង​កាន់តែលម្អិតពីផ្លូវឆ្ពោះទៅទីតាំងរមណីយដ្ឋាននីមួយៗ៕