អាជ្ញាធរខេត្តសៀមរាប ថ្មីៗបានចេញមុខហាមមិនឲ្យធ្វើអាជីវកម្ម ឬបើកហាងលក់សាច់ឆ្កែទៀតនោះឡើយ។ ប្រសិនបើរកឃើញ អ្នកប្រព្រឹត្តនឹងទទួលទោសធ្ងន់ធ្ងរ តាមមាត្រា១១២,១១៣ និង១១៥ នៃច្បាប់ ស្តីពីសុខភាពសត្វ និងផលិតកម្មសត្វជាធរមាន និងគ្មានការលើកលែងដាច់ខាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ ខេត្តសៀមរាបបាននាំមុខគេ ក្នុងការចេញបំរាមពិឃាដសត្វឆ្កែ ដែលធ្វើឲ្យមហាជនគាំទ្រ និងចាត់ទុកថាជាវិធានការដ៍ល្អដើម្បីរក្សាភាពថ្លៃថ្នូរ និងតម្លៃរបស់ពលរដ្ឋ ព្រមទាំងមុខមាត់របស់តំបន់ទេសចរណ៍ប្រវត្តិសាស្ត្រមួយនេះ។
នៅក្នុងសេចក្តីជូនដំណឹងបានលើកឡើងថា ការពិឃាតសត្វឆ្កែ និងអាជីវកម្មសត្វឆ្កែ ធ្វើឲ្យធ្លាក់តម្លៃមនុស្សធម៌ និងងាយធ្វើឱ្យរាលដាលជំងឺឆ្កែឆ្កួត។
គួរបញ្ជាក់ថា ការចេញសេចក្តីជូនដំណឹងពីមន្ទីរកសិកម្ម រុក្ខាប្រមាញ់ និងនេសាទខេត្តសៀមរាបបែបនេះ ធ្វើឡើង ក្រោយអាជ្ញាធរអះអាងថា ក្នុងរយៈពេលប៉ុន្មានឆ្នាំចុងក្រោយនេះ ការធ្វើអាជីវកម្មលក់ ទិញសត្វសុនខ (ឆ្កែ) ដើម្បីធ្វើជាម្ហូបមានភាពអាណាធិបតេយ្យ និងកើនឡើងគួរឲ្យព្រួយបារម្ភ។ នេះជាសញ្ញាដែលបង្ហាញថា មានការធ្លាក់ចុះតម្លៃមនុស្សធម៌ និងអាចធ្វើឲ្យការរាលដាលជម្ងឺទៀតផង៕
Bong I.T