កូរ៉េខាងត្បូង៖ Gong Minzy បានចូលរួមក្នុងកម្មវិធី Video Star ហើយបាននិយាយពីអារម្មណ៍របស់នាង កាលដែលនាងចាកចេញពី 2NE1 កាលពីឆ្នាំ ២០១៦។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំបូងនាងបានបើកចំហពីរឿងដែលនាងបានតស៊ូជាមួយនឹងក្រុម ក្រោយក្រុមបន្តសម្រាករយៈពេលយូរដោយផ្តោតលើការផ្សព្វផ្សាយ។ ទោះបីជា 2NE1 មានបទចម្រៀងល្បីៗជាច្រើនយូរមកហើយ តែពួកគេមានអាល់ប៊ុមតែ ២ ប៉ុណ្ណោះអំឡុងពេលប្រឡូកក្នុងការងារ ៧ ឆ្នាំរបស់ពួកគេ។
Minzy បាននិយាយថា៖
យើងមានពេលសម្រាកច្រើន។ តាមពិតយើងមានតែអាល់ប៊ុមពេញ ២ ប៉ុណ្ណោះ។ យើងតែងតែត្រលប់មកវិញរៀងរាល់ ៤ ឆ្នាំម្តងដូចជាព្រឹត្តិការណ៍អូឡាំពិកអញ្ចឹង។ ខ្ញុំបានតស៊ូយ៉ាងខ្លាំងក្នុងកំឡុងពេលឈប់សម្រាករយៈពេលយូរ។ ខ្ញុំផ្ទាល់មានជំងឺធ្លាក់ទឹកចិត្ត ហើយមានភាពតានតឹងយ៉ាងខ្លាំង។
Minzy បានបង្ហើបថានាងទទួលរងនូវមតិអវិជ្ជមាននិងព័ត៌មានក្លែងក្លាយជាច្រើន បន្ទាប់ពីនាងសម្រេចចិត្តចាកចេញពីក្រុម 2NE1។ ដោយសារតែពេលនោះគឺនាងនៅក្មេង វាគឺជារឿងដែលធ្ងន់ណាស់សម្រាប់នាងដែលទទួលរងនូវមតិអវិជ្ជមាន។
Minzy បានបន្ថែមទៀតថា៖
នៅពេលខ្ញុំចាកចេញពីក្រុម គេនិយាយថាខ្ញុំក្បត់ក្រុម ហើយចាប់ផ្តើមផ្សព្វផ្សាយពាក្យចចាមអារាម។ ពួកគេផ្សព្វផ្សាយព័ត៌មានក្លែងក្លាយ ហើយនោះជាអ្វីដែលពិបាកបំផុតសម្រាប់ខ្ញុំ។ ខ្ញុំមានអាយុប្រហែលជា ២២ ឆ្នាំប៉ុណ្ណោះ។ នោះជាមូលហេតុដែលខ្ញុំមិនយកចិត្តទុកដាក់លើពត៌មានទាំងនោះអស់ពេលមួយរយៈធំ។ វាពិតជាពិបាកទទួលយកណាស់។
ទោះបីជានាងមានដំណើរដ៏វែងឆ្ងាយចាប់តាំងពីចាកចេញពីក្រុមនេះក៏ដោយ Minzy បានបើកចំហថា Sandara Park គឺជាប្រភពនៃកម្លាំង និងការលើកទឹកចិត្តដ៏ធំធេង ក្នុងកំឡុងពេលដែលនាងកំពុងឈប់សម្រាកនោះ។ ពេលលឺ Minzy និយាយអំពីរឿងរ៉ាវរបស់នាង Sandara Park មិនអាចទប់ទឹកភ្នែកបានទេដោយនាងរំជួលចិត្តជាខ្លាំង។
Minzy បាននិយាយទាក់ទងនឹង Sandara ថា៖
នៅពេលដែលខ្ញុំមើលឃើញថានាងជាមនុស្សវ័យស្រករគ្នា នាងមានភាពសកម្មក្នុងតួនាទីផ្សេងៗដែលនាងតែងតែប្រកួតប្រជែងនឹងខ្លួនឯង ហើយតែងតែធ្វើអ្វីឱ្យប្រសើរឡើងជានិច្ច។ នាងគឺជាប្រភពកម្លាំងដ៏ខ្លាំងក្លាសម្រាប់ខ្ញុំ។ នាងប្រៀបដូចជាម្ដាយរបស់ក្រុមទាំងមូល។ នាងតែងតែមើលថែយើងហើយចេះគិតដល់យើង។
បន្ទាប់មក Sandara បានសារភាពថានាងមានអារម្មណ៍ថានាងមិនអាចថែរក្សា Minzy បានល្អទេ អំឡុងពេលដែលនៅ 2NE1 នោះ។ Minzy និងនាងបានចែករំលែកពេលវេលាដ៏រំជួលចិត្តមួយនៅពេលពួកគេទាំងពីរយំគិតអំពីដំណើរដ៏វែងរបស់ពួកគេជាមួយគ្នាក៏ដូចជា 2NE1 នោះ។
Sandara បាននិយាយថា៖
ខ្ញុំមិនមានបុគ្គលិកលក្ខណៈគួរឱ្យស្រឡាញ់ខ្លាំងណាស់ទេ។ ខ្ញុំគ្រាន់តែចាប់ផ្តើមអភិវឌ្ឍន៍ខ្លួនខ្ញុំឲ្យប្រសើរជាងមុន។ ប៉ុន្តែខ្ញុំមានអារម្មណ៍ថាខ្ញុំមិនបានមើលថែគ្នីគ្នារបស់ពួកយើងឡើយ។ ខ្ញុំមានអារម្មណ៍សោកស្តាយណាស់។ ខ្ញុំឆ្ងល់ថាតើវាលំបាកប៉ុណ្ណាសម្រាប់នាងនៅពេលនាងនៅក្មេងបែបនេះ។ ខ្ញុំសោកស្តាយណាស់។
ទោះបីជា Minzy គឺមានភាពឯករាជ្យក្តី ក៏ Sandara នៅតែបន្តផ្សព្វផ្សាយនៅក្រោមផលិតកម្ម YG Entertainment ប៉ុន្តែពួកគេនឹងនៅតែរាប់អានគ្នាដូចបងប្អូនអញ្ចឹង៕
ទស្សនាវីដេអូខាងក្រោម៖
Bong I.T