ធ្លាប់ឈឺចាប់ដោយសារស្នេហា នោះក៏មិនមានន័យថា ស្នេហ៍ពិតគ្មាននៅលើលោកនេះនោះទេ។ អ្នកអាចជួបនូវការឈឺចាប់ជាច្រើនដង ទើបអាចជួបស្នេហ៍ដែលសមប្រកបបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពេលនេះយើងនឹងលើកយករឿងរ៉ាវស្នេហាដែលជារឿងពិតមួយមកជូនលោកអ្នកអាន សង្ឃឹមថាវានឹងអាចជួយឳ្យអ្នកអានបើកចិត្តឳ្យទូលាយ និងបន្តរស់នៅដោយការជឿជាក់លើស្នេហ៍ពិត ថាវាពិតជាមានពិតមែន។
១. បន្ទាប់ពីបានឮរឿងរបស់ប៉ាម៉ាក់ ខ្ញុំក៏ចាប់ផ្តើមជឿថាស្នេហ៍ពិតគឺមានពិតមែន។ កាលពីយូរមកហើយ ម្ដាយ របស់ខ្ញុំត្រូវទៅរៀននៅទីក្រុងមួយទៀត ប៉ារបស់ខ្ញុំពិបាកចិត្តខ្លាំងណាស់ គាត់ដើរតាមម្តាយខ្ញុំគ្រប់កន្លែង ម្ដាយខ្ញុំក៏សួរ ថា «ចុះបើខ្ញុំស្លាប់ បងឯងរស់យ៉ាងម៉េច?» ឳពុកខ្ញុំក៏តបថា «បងរស់មិនកើតទេ បងច្បាស់ជាគេងស្លាប់នៅក្បែរអូន ដែរ»។
២.ខ្ញុំហត់ខ្លាំងណាស់ ព្រោះវាហួសពេលអាធ្រាត្រទៅហើយ ទើបខ្ញុំប្តូរខោអាវរួចលុបលាងមុខ បន្ទាប់មកក៏ចូលគេង។ នៅពេលព្រឹកប្តីរបស់ខ្ញុំក៏សើច គាត់ប្រាប់ខ្ញុំថា ខ្ញុំបានមមើរសួរគាត់ ថា«បងឯងស្រឡាញ់ខ្ញុំ ឬក៏គ្រាន់តែចង់ទាក់ទងខ្ញុំទេ?» គាត់ក៏ឆ្លើយថា «បងស្រឡាញ់អូន» បន្ទាប់មកខ្ញុំក៏និយាយ ទាំងមមើរទៀតថា «ការស្រឡាញ់នរណាម្នាក់ គឺទុកឳ្យមនុស្សម្នាក់នោះគេងទៅ»។
៣. ខ្ញុំជាមនុស្សចូលចិត្តរបស់ដែលធ្វើឡើងពីការដេរភ្ជាប់គ្នា ដូចជាពពួកតុក្កតាដេរដោយដៃអីបែបនេះ។ មួយរយៈមក នេះខ្ញុំសង្កេតឃើញថាម្រាមដៃរបស់មិត្តប្រុសរបស់ខ្ញុំមានរបួសរហូត នៅពេលដែលខ្ញុំសួរនាំគាត់ក៏ថាមិនអីរហូត។ កាលពីម្សិលមិញពេលខ្ញុំត្រឡប់មកផ្ទះវិញ ខ្ញុំបានឃើញតុក្កតារូបបេះដូងដែលធំមួយ នឹងត្រូវដេរភ្ជាប់ដោយបំណែក កំណាត់ខោអាវជាច្រើនពណ៌ផ្សេងៗគ្នា ប្រាកដណាស់ថាស្នាដៃនោះនៅមិនទាន់ល្អអស្ចារ្យនោះទេ តែនៅពេលដែល ខ្ញុំគិតពេលដែលមិត្តរបស់របស់ខ្ញុំកំពុងដេរវាដោយដៃ(ទាំងដែលគាត់មិនចេះនោះ) ខ្ញុំក៏បានដឹងថានោះគឺជាកាដូដ៏ ពិសេសបំផុតនៅក្នុងជីវិតរបស់ខ្ញុំ។
៤. ខ្ញុំស្នាក់នៅអន្តេវាសិកដ្ឋានមួយ កាលពីពាក់កណ្តាលរដូវរងារមួយ ម៉ាស៊ីនកម្តៅនៅក្នុងបន្ទប់វាក៏ខូច ហើយធ្វើឳ្យ បន្ទប់ត្រជាក់ខ្លាំងណាស់ ខ្ញុំបានខលទៅមិត្តប្រុសរបស់ខ្ញុំហើយប្រាប់គាត់ បន្ទាប់ពីនិយាយគ្នារួចខ្ញុំក៏រុំខ្លួនឯងនៅក្នុង ភួយហើយរៀនបន្ត។ មួយម៉ោងក្រោយមកមិត្តប្រុសរបស់ខ្ញុំបានខលមកខ្ញុំ «ចេញមកក្រៅមក ខ្ញុំបានទិញម៉ាស៊ីនកម្តៅ មកឳ្យយើង បន្ទប់ច្បាស់ជាត្រជាក់ខ្លាំងណាស់»។
នៅពេលនោះខ្ញុំក៏បានដឹងថាស្នេហាពិតគឺមិនចាំបាច់ហៅគ្នាថា បង អូន ឬក៏ផ្អែមល្ហែមអីពេកនោះទេ គឺគ្រាន់តែការបារម្ភពីគ្នាដោយការទិញម៉ាស៊ីនកម្តៅ ឳ្យមនុស្សដែលខ្លួនស្រឡាញ់ និង មិនអាចទ្រាំមើលមនុស្សម្នាក់នោះលំបាក បាន នោះគឺវាបានទៅហើយ។
៥.កាលពីឆ្នាំមុន ខ្ញុំនិងស្វាមីបានជួបនូវបញ្ហាហិរញ្ញវត្ថុ ពួកយើងទាំងពីរនាក់បានបាត់បង់ការងារក្នុងពេលតែមួយ ហើយយើងមានតែលុយតិចតួចសម្រាប់ទិញអាហារថោកៗញ៉ាំប៉ុណ្ណោះ។ នៅពេលនោះស្បែកជើងតែមួយគូដែល ខ្ញុំមានក៏រហែកទៀត ហើយខ្ញុំត្រូវពាក់វាពេញមួយរដូវរងារនេះតែវាខូចបាត់ទៅហើយ ខ្ញុំយំខ្លាំងណាស់។ នៅថ្ងៃបន្ទាប់ មកស្វាមីរបស់ខ្ញុំក៏ត្រឡប់មកវិញជាមួយនឹងស្បែកជើងថ្មីមួយគូមក ពីរបីសប្តាហ៍ក្រោយមកទើបខ្ញុំដឹងថាគាត់បាន លក់នាឡិកាដែលឳពុករបស់គាត់បន្សល់ទុកឳ្យ។ ឥលូវនេះពួកយើងលែងមានបញ្ហាអីទៀតហើយ ខ្ញុំបានព្យាយាមស្វែងរកទិញ នាឡិកានោះម្ដងទៀត ហើយក៏រកវាបាននៅលើវេបសាយមួយ ពេលនេះខ្ញុំបានលាក់វានៅក្នុងថតតុ ដោយទុកវា សម្រាប់ថ្ងៃកំណើតរបស់គាត់។
៦.នៅពេលដែលខ្ញុំកំពុងតែជិះរថភ្លើង មានគូស្នេហ៍វ័យចំណាស់មួយគូបានអង្គុយជិតខ្ញុំ។ រយៈពេលធ្វើដំណើរដែល ចំណាយអស់ដល់ទីបីម៉ោង បុរសចំណាស់នោះបានគូររូបស្ត្រីចំណាស់ចូលសៀវភៅរបស់ខ្លួនរហូត ធ្វើឳ្យស្រីចំណាស់ អៀនជាខ្លាំង ហើយអ្នកនៅក្បែរនោះក៏ងាកមើលពួកគាត់គ្រប់គ្នា បុរសចំណាស់ក៏និយាយថា «កុំអៀនអីអូនសម្លាញ់ ពួកគេងាកមើលអូនក៏ព្រោះតែអូនស្អាតប៉ុណ្ណោះ សម្រស់ស្រស់ស្អាតដែលបងមើលមិនណាយទោះកន្លងមកជាង៤០ សិបឆ្នាំហើយក៏ដោយ»។
៧.កាលពី៥ឆ្នាំមុន ខ្ញុំបានបែកគ្នាជាមួយមនុស្សដែលខ្ញុំស្រឡាញ់បំផុត ដោយសំពាធដែលបានមកពីប៉ាម៉ាក់របស់ យើង។ បន្ទាប់ពីមានរឿងនោះខ្ញុំក៏បានទៅសាក់នៅលើម្រាមដៃនាងរបស់ខ្ញុំ ដើម្បីជាសញ្ញាប្រាប់ខ្លួនឯងថាខ្ញុំមិនរៀប ការ ហើយក៏មិនទៅជួបគាត់ទៀតដែរ។ ក្រោយមកខ្ញុំក៏ចាប់ផ្តើមការងារថ្មីនៅក្នុងក្រុមហ៊ុនតូចមួយ ហើយមនុស្សម្នាក់ នោះក៏ក្លាយទៅជាអ្នកគ្រប់គ្រងនៅផ្នែករបស់ខ្ញុំ ពួកយើងទំនាក់ទំនងគ្នាធម្មតា និងធ្វើជាមិនស្គាល់គ្នា។ កាលពីម្សិល មិញនេះគេក៏បានហៅខ្ញុំទៅប្រាប់ថា «ស្នាមសាក់គឺមិនត្រូវមាននៅក្នុងកន្លែងធ្វើការនេះទេ ហើយនាងត្រូវលាក់វាឳ្យ ជិត» បន្ទាប់មកគេក៏បានណែនាំវិធីមួយដល់ខ្ញុំថា ឳ្យពាក់ចិញ្ចៀនដើម្បីបិទបាំងវា ដែលនោះវាគឺជាចិញ្ចៀនភ្ជាប់ពាក្យ របស់ពួកយើង៕