ស្ត្រីម្នាក់នៅរដ្ឋ Ontario បាននិយាយថានាងមានការភ្ញាក់ផ្អើលយ៉ាងខ្លាំងនៅពេលដឹងថានាងបានឈ្នះឆ្នោតកោសរង្វាន់ធំពីរដងក្នុងរយៈពេលត្រឹមតែ ៣ សប្តាហ៍ប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកស្រី Susan Sos អាយុ ៤៥ ឆ្នាំ ដែលត្រូវគេលាក់អត្តសញ្ញាណបានប្រាប់មន្រ្តីគ្រប់គ្រងផ្នែកឆ្នោតនៅរដ្ឋអាន់តារីយ៉ូ ថាលោកស្រីបានបើកឡានចេញទៅក្រៅកាលពីពីរបីសប្តាហ៍មុន ហើយលោកស្រីក៏បានឈប់នៅតាមផ្លូវដើម្បីបញ្ចូលហ្គាសរថយន្ត ហើយក៏បានទិញឆ្នោតកោស។
លោកស្រីបាននិយាយថា៖ “ខ្ញុំបានរកឃើញកន្លែងស្ងប់ស្ងាត់ល្អមួយដើម្បីឈប់រថយន្ត និងកោសសំបុត្រឆ្នោតដែលខ្ញុំបានទិញ” ។
«ខ្ញុំពិតជារំភើបជាខ្លាំង ដោយខ្ញុំបានឈ្នះរង្វាន់ធំ គឺទឹកប្រាក់ 36,750 ដុល្លារ»។
លោកស្រីសូស បាននិយាយថាបីសប្តាហ៍ក្រោយមកទៀត គាត់ក៍បានទៅលេងនៅកញ្ចុះកំសាន្តមួយ បន្ទាប់មកគាត់ក៏បានបានឈប់នៅតាមផ្លូវហើយក៏បានទិញឆ្នោតកោសម្តងទៀត។ លោកស្រីក៏បានឈ្នះរង្វាន់ទឹកប្រាក់ 36,750 ដុល្លារម្តងទៀតជាលើកទីពីរ។
លោកស្រីបានថ្លែងថា ចាប់តាំងពីខែមករាលោកស្រីបានផ្តោតសំខាន់លើគោលដៅធំៗ ចំនួន ៣ គឺសងបំណុលគេ មានវិស្សមកាលតូចមួយ និងសន្សំប្រាក់បង់រំលស់ផ្ទះ។ សំណាងទាំងពីរនេះបានជួយគាត់សម្រេចគោលដៅរបស់គាត់ទាំងអស់៕