អ៊ីតាលី៖ នៅក្នុងការប្រកួតក្របខ័ណ្ឌ Serie A កាលពីយប់មិញក្លិបម្ចាស់ផ្ទះ AC Milan បានយកឈ្នះក្លិបសេះបង្កង់ Juventus ដោយលទ្ធផលយ៉ាងក្រាស់ក្រែល ៤ទល់នឹង២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងតង់ទី១ការប្រកួតនោះហាក់ដូចជាស្ងាត់ណាស់ដោយពុំមានក្លិបណាអាចបំបែកពងមាន់បាននោះទេ។ ដោយឡែកពេលចូលដល់តង់ទី២អ្វីៗត្រូវបានប្រែប្រួលទាំងស្រុងដោយគ្រាប់បាល់បានកើតឡើងចំនួន៦គ្រាប់ ឯណោះ។
ក្លិប Juventus មានតែមជាងក្លិបម្ចាស់ផ្ទះនៅដើមតង់ទី២ដោយរកបាន២គ្រាប់នាំមុខមុន ពោលគឺរកបានដោយការអូសស៊ុតយ៉ាងស្អាតរបស់កីឡាករ Rabiot នៅនាទីទី៤៧ និង មួយគ្រាប់ទៀតរកបានដោយកំពូលជើងស៊ុត Cristiano Ronaldo នៅនាទីទី៥៣។
ក្លិប Juventus សប្បាយចិត្តមិនបានយូរទេ ពោលគឺត្រូវបានក្លិប AC Milan វាយបកបាន៤គ្រាប់វិញដោយគ្រាប់បើកឆាករកបាន តាមរយៈបាល់ប៉េណាល់ទីរបស់កីឡាករ Zlatan Ibrahimovic នៅនាទីទី៦២ និង៣គ្រាប់ទៀតធ្វើបានដោយកីឡាករ Frank Kessie នៅនាទីទី៦៦ មុនពេលដែលកីឡាករ Rafael Leao ស៊ុតគ្រាប់ទី៣នៅនាទីទី៦៧ ហើយគ្រាប់ទី៤ចុងក្រោយ សម្រេចទីដោយកីឡាករ Ante Rebic នៅនាទីទី៨០។
ចប់ការប្រកួត AC Milan ទទួលបាន៣ពិន្ទុបន្ថែមឈរនៅលេខ៥មាន៤៩ពិន្ទុតាមពីក្រោយក្លិបលេខ៤ Atalanta ចំនួន១៤ពិន្ទុឯណោះ។ ដោយឡែកក្លិប Juventus កំពុងឈរកំពូលតារាងនាំមុខក្លិបលេខ២ Lazio ចំនួន៧ពិន្ទុ៕
ប្រភព៖ bbc