Chelsea ត្រូវបង្ខំចិត្តវៃចេញកីឡាករ៦រូប ក្រោយទិញបានកីឡាករលំដាប់ៗ២រូបនេះ

ក្រុមតោខៀវ Chelsea គឺជាក្រុមមួយក្នុងចំណោមក្រុមឯទៀតដែលបានចាយលុយច្រើនក្នុងការទិញកីឡាករចូលនៅក្នុងរដូវក្តៅនេះ។ ថ្មីៗនេះ Chelsea ផ្ទាល់ក៏បានឲ្យដឹងជាផ្លូវការផងដែរថា ខ្លួនទិញបានកីឡាករលំដាប់ៗ ដូចជា Ziyech ពី ក្រុម Ajax និង Werner ផងដែរ ដែលជះលុយច្រើនក្នុងការទិញកីឡាករនេះធ្វើឲ្យក្លឹបដែលមានមូលដ្ឋាននៅទីក្រុង London មួយនេះត្រូវតែសម្រេចចិត្តក្នុងការដាក់លក់កីឡាករចេញខ្លះដើម្បីទប់ទល់ការចំណាយក្នុងក្លឹប។

បើយោងតាមប្រភពពីសារព័ត៌មានអង់គ្លេសបានឲ្យដឹងថា អ្នកចាត់ការក្រុម Chelsea លោក Frank Lampard នឹងត្រូវចាត់ចែងវៃចេញកីឡាករដល់ទៅ៦រូបដើម្បីគ្រប់គ្រងស្ថានការហិរញ្ញវត្ថុ ខណៈដែលក្លឹបបានចំណាយច្រើនក្នុងការទិញកីឡាករថ្មីចូល។

ប្រភពដដែលបានឲ្យដឹងផងដែរអំពីបេក្ខភាពកីឡាករដែលត្រូវវៃចេញ ក្នុងនោះមានខ្សែការពារ Marcos Alonso ដែល Chelsea បានទិញចូលកាលពីឆ្នាំ២០១៦ មកដល់ Chelsea កីឡាកររូបនេះបានបង្ហាញខ្លួនបាន១៤៣ប្រកួត រកបាន២២គ្រាប់ និងបញ្ជូនបាល់ Assist បាន១៤គ្រាប់។

ចំណែកកីឡាករឯទៀតដែល Chelsea និង វៃចេញនោះមាន Emerson Palmieri , Batshuayi, Bakayoko, Drinkwater និង Kenedy ។ គោលបំណងដែល Chelsea លក់កីឡាករទាំង ៦ ចេញនេះ គឺដើម្បីឲ្យមានលំនឹងហិរញ្ញវត្ថុក្នុងក្លឹប ខណៈដែលក្លឹបកំពុងតែសម្លឹងឃើញការជះលុយ ទិញយកកីឡាករគីឡូធ្ងន់ម្នាក់ទៀត គឺ Kai Havertz ៕

ប្រភព៖ besoccer