អ៊ីស្លាមម៉ាបាដ៖ ខណៈពេលដែលកំណើនឡើងនៃករណីឆ្លងជំងឺកូវីដ១៩ កំពុងតែដាក់សម្ពាធទៅលើប្រព័ន្ធសុខាភិបាលប៉ាគីស្ថាន រដ្ឋមន្ត្រីសុខាភិបាលប្រទេសនេះ បាននិយាយកាលពីថ្ងៃចន្ទម្សិលមិញថា លោកក៏បានឆ្លងជំងឺកូវីដ-១៩ដែរ។ នេះបើយោងតាមទីភ្នាក់ងារសារព័ត៌មាន Reuters ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Zafar Mirza បាននិយាយនៅលើបណ្តាញសង្គម Twitter យ៉ាងដូច្នេះថា៖
ខ្ញុំបានធ្វើតេស្តវិជ្ជមានកូវីដ១៩ ហើយតាមរយៈដំបូន្មានរបស់ក្រុមគ្រូពេទ្យ គឺខ្ញុំត្រូវស្នាក់នៅផ្ទះនិងសម្រាកព្យាបាលជំងឺដាច់ដោយឡែក។ ប៉ុន្តែទោះបីជាយ៉ាងណាក្តី ក្រុមគ្រូពេទ្យបានប្រាប់ថា អាការៈជំំងឺរបស់ខ្ញុំ គឺមិនទាន់ធ្ងន់ធ្ងរទេ។
គួរជម្រាបផងដែរថា បច្ចុប្បន្ននេះ ប្រទេសប៉ាគីស្ថានមានអ្នកឆ្លងជំងឺកូវីដ១៩ជាង ២២៩,៨៣១នាក់ អ្នកស្លាប់ ៤,៧៦២នាក់ និងអ្នកជាសះស្បើយ ១៣១,៦៤៩នាក់។ ហើយពីមួយថ្ងៃទៅមួយថ្ងៃ ប្រទេសនេះបានបន្តរកឃើញអ្នកថ្មីប្រមាណ ៤០០០នាក់៕
Bong I.T