បរទេស៖ ក្លិប Paris Saint-Germain ត្រូវបានគេរាយការណ៍មកថាកំពុងតែមានគម្រោងទិញយកប្រធានក្រុមរបស់ Arsenal គឺកីឡាករ Hector Bellerin ទៅរួមក្រុមនៅរដូវក្ដៅនេះ។ ក្នុងនោះក្លិបយក្សរបស់បារាំងមួយនេះកំពុងតែព្យាយាមរកខ្សែការពារស្លាបស្តាំមកជំនួសកីឡាករ Thomas Meunier ដែលថ្មីៗនេះបានចាកចេញទៅរួមនឹងក្លិប Borussia Dortmund ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរក្លិបធំៗដូចជា Juventus និង Bayern Munich ក៏កំពុងតែសម្លឹងឃើញកីឡាកររូបនេះផងដែរ ប៉ុន្តែបើតាមរបាយការណ៍បានឲ្យដឹងថាក្លិប PSG ហាក់ដូចជាមានប្រៀបជាងគេនៅក្នុងការប្រជែងនេះ។
គួរឲ្យដឹងដែរថា Arsenal កំពុងតែព្យាយាមប្រមូលទុនបន្ថែមដោយនឹងលក់កីឡាករមួយចំនួនដើម្បីមកផ្លាស់ប្តូរទម្រង់លេងរបស់ក្លិប។ ជាមួយគ្នានេះកីឡាករ Hector Bellerin គឺជាគោលដៅមួយសម្រាប់លក់ចេញដោយសាររូបគេមានទម្រង់លេងធ្លាក់ចុះជាខ្លាំង ក្រោយជាពីរបួសជង្គង់ជាច្រើនខែនោះ។
ស្របពេលជាមួយគ្នានេះក្រុមរបស់លោក Mikel Arteta នៅមានកីឡាករ Cedric Soares និង Ainsley Maitland-Niles ដែលអាចជំនួស Hector បាន។ យ៉ាងណាមិញ កីឡាកររូបនេះបង្ហាញខ្លួនឲ្យក្លិបបាន២០០ ប្រកួត ចាប់តាំងពីមករួមជាមួយនឹង Arsenal នៅឆ្នាំ២០១១មក៕
ប្រភព៖ hitc