ស្វីស៖ ខ្លាស៊ីបេរីមួយក្បាលបានវាយប្រហារនិងសម្លាប់ ស្ត្រីមើលថែរក្សាសួនសត្វម្នាក់ នៅចំពោះមុខភ្ញៀវទេសចរនិងបុគ្គលិកសួនសត្វ ក្នុងប្រទេសស្វីស។ បុគ្គលិកបានប្រញាប់ប្រញាល់ទៅជួយគាត់ ហើយទីបំផុត គេអាចគ្រប់គ្រងស្ថានការណ៍ដើម្បីទាញសត្វខ្លាចេញពីទ្រុង ប៉ុន្តែអ្នកថែរក្សាអាយុ៥៥ឆ្នាំបានស្លាប់ នៅកន្លែងកើតហេតុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍នេះបានកើតឡើងនៅម៉ោង១៣:២០នាទី ម៉ោងនៅក្នុងតំបន់ កាលពីថ្ងៃសៅរ៍។ ការស៊ើបអង្កេតកំពុងដំណើរការ ដើម្បីកំណត់ពីមូលហេតុដែលអ្នកមើលថែរក្សាសួនសត្វ ស្ថិតនៅក្នុងទ្រុងជាមួយសត្វខ្លា។
ខាងសួនសត្វបានបញ្ជាក់ប្រាប់ នៅក្នុងសេចក្ដីថ្លែងការណ៍មួយថា ទោះបីជាក្រុមសង្គ្រោះបន្ទាន់នៅក្នុងសួនសត្វ បានចូលទៅជួយជនរងគ្រោះដែលមានរបួសធ្ងន់ក៏ដោយ ក៏កិច្ចប្រឹងប្រែងនេះនៅតែបរាជ័យ។
គួរបញ្ជាក់ផងដែរថា សត្វខ្លាមួយក្បាលនេះមានឈ្មោះថា Irina កើតនៅសួនសត្វមួយក្នុងប្រទេសដាណឺម៉ាក កាលពីឆ្នាំ២០១៥ ហើយបានបញ្ជូនមកសួនសត្វ Zurich កាលពីឆ្នាំមុន។ សួនសត្វ Zurich បានបន្ថែមទៀតថា កន្លែងនេះនៅតែបិទទ្វារ នៅថ្ងៃអាទិត្យ បន្ទាប់ពីឧប្បត្តិហេតុនេះកើតឡើង៕