អង់គ្លេស៖ បន្ទាប់ពីកីឡាករ Ryan Giggs ចូលនិវត្តន៍នៅឆ្នាំ២០១៤មក ក្លិប Manchester United មិនទាន់រកបានកីឡាករមួយណាដើម្បីមកជំនួសលេខ១១នេះបាននៅឡើយទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ក៏ធ្លាប់មានកីឡាករមួយចំនួនដែលបានពាក់លេខ១១នេះបន្ទាប់ពី Giggs ដូចជា Januzaj និង Martial ជាដើម ប៉ុន្តែពួកគេពាក់មិនបានយូរនោះទេដោយសារសមត្ថភាពមិនទាន់ដល់វីរបុរសរបស់ Man Utd ម្នាក់នេះ។
យ៉ាងណាមិញ កីឡាករទាំង៤ខាងក្រោមនេះត្រូវបានគេមើលឃើញថាអាចមានលទ្ធភាពពាក់លេខ១១នេះបាននៅរដូវកាលក្រោយ៖
- កីឡាករ Jadon Sancho
ក្លិបរបស់លោក Solskjaer កំពុងតែមមាញញឹកខ្លាំងក្នុងការចរចានាំយករូបគេមករួមក្លិប ហើយប្រសិនជាទិញបានមែននោះ Sancho ដែលកំពុងតែពាក់លេខ៧នៅក្លិប Dortmund អាចនឹងដូរទៅពាក់លេខ១១វិញនៅ Man Utd ។ ជាក់ស្តែងនៅពេលដែល Ronaldo ចេញពី Man Utd អាវលេខ៧ ហាក់ជាប់បណ្ដាសា មិនទាន់មានកីឡាករណា ពាក់ទៅជោគជ័យនៅឡើយទេ។
- កីឡាករ Jack Grealish
ក្លិប Manchester United កំពុងចាំឲ្យតែទីផ្សារដោះដូរកីឡាករបើកប៉ុណ្ណោះ ដើម្បីទិញយកប្រធានក្រុមរបស់ Aston Villa រូបនេះមករួមក្រុម។ រូបគេអាចជាបេក្ខភាពម្នាក់សម្រាប់លេខ១១ ទោះបីជារូបគេចង់បានលេខ១០ ដែល Rashford កំពុងតែពាក់ក៏ដោយ។
- កីឡាករ Daniel James
បើទោះបីជា James កំពុងតែពាក់លេខ២១ឲ្យ Man Utd ក៏ដោយ ប៉ុន្តែសមត្ថភាពកីឡាកររូបនេះពិតជាសក្ដិសមនឹងលេខ១១នេះណាស់។ ហើយការដែលឲ្យ James ពាក់លេខ១១វិញនោះ វានឹងអាចជាកម្លាំងចិត្តមួយដ៏ធំសម្រាប់រូបគេដែលអាចមកជំនួសវីរបុរស Ryan Giggs ដែលកំពុងតែដឹកនាំរូបគេ នៅក្រុមជម្រើសជាតិវែលស៍ផងដែរ។
- កីឡាករ Mason Greenwood
កីឡាករវ័យក្មេងរូបនេះកំពុងតែពាក់លេខ២៩ឲ្យ Man Utd ហើយរូបគេត្រូវបានគេមើលឃើញថានឹងអាចក្លាយទៅជាកីឡាករកំពូលម្នាក់នៅពេលដ៏ខ្លីខាងមុខ។ បើទោះបីជាបច្ចុប្បន្នកីឡាកររូបនេះលេងនៅតំណែងប្រយុទ្ធកណ្តាលក៏ដោយ ប៉ុន្តែតារាសញ្ជាតិអង់គ្លេសរូបនេះក៏អាចមានសមត្ថភាពលេងនៅដំណែងដូច Ryan Giggs ផងដែរ ពោលគឺខ្សែប្រយុទ្ធស្លាបស្តាំ៕
ប្រភព៖ express