អង់គ្លេស៖ ក្លិប Everton ត្រូវបានគេរាយការណ៍មកថាកំពុងតែចង់បានអតីតខ្សែការពាររបស់ខ្លួន មួយរូបនេះមកវិញ ពី Manchester City គឺកីឡាករ John Stones ដែលបច្ចុប្បន្នជាជម្រើសទី៥ឯណោះ ក្នុងកែវភ្នែកលោក Pep Guardiola ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ដែរថា Everton បានលក់កីឡាកររូបនេះឲ្យក្លិប Man City នៅឆ្នាំ២០១៦ក្នុងតម្លៃខ្លួន៤៧លានផោន (ឬជិត៥៩លានដុល្លារ)។ ហើយបច្ចុប្បន្ន ក្លិបអ្នកជិតខាងរបស់ Liverpool មួយនេះកំពុងតែចង់បានរូបគេមករួមក្រុមវិញ ស្របពេលដែលក្លិបកាំភ្លើងធំ Arsenal កំពុងតែតាមទិញដែរនោះ។
បើតាមតាមសេចក្ដីរាយកាណ៍អំពី Stones បានឲ្យដឹងថារូបគេកំពុងតែព្យាយាមរកផ្លូវចេញពី Man City ហើយ ដោយកំពុងផ្តោតអារម្មណ៍ទៅលើក្លិបចាស់របស់ខ្លួន Everton ។ កីឡាកររូបនេះនៅសល់កុងត្រា២ឆ្នាំទៀតជាមួយនឹង Man City ប៉ុន្តែមិនអាចជាប់ជាជម្រើសដំបូងឲ្យលោក Pep ដោយសារតែវត្តមានរបស់កីឡាករឈានមុខចំនួន៤រូបនៅតំបន់ការពារកណ្តាល ដូចជា Laporte, Fernandinho, Otamendi និងខ្សែការពារកំពុងតែឡើងជើង Eric García ជាដើម។
យ៉ាងណាមិញក្លិប Man City ត្រូវបានគេប៉ាន់ស្មានថាអាចនឹងដាក់លក់ John Stones នៅក្នុងតម្លៃ ៤០ លានផោន (ឬ៥០លានដុល្លារ) ខណៈនៅរដូវកាលនេះ គេបង្ហាញខ្លួនឲ្យក្លិបបានតែ២០ប្រកួតប៉ុណ្ណោះ៕
ប្រភព៖ thesun