បរទេស៖ កីឡាករ Lionel Messi ថ្មីៗនេះត្រូវបានគេរាយការណ៍មកថាកំពុងតែមានបំណងចង់ចាកចេញពីក្លិប Barcelona ដោយអតីតតារាឆ្នើមរបស់ក្លិបមួយនេះគឺលោក Rivaldo បានឲ្យដឹងថា Messi អាចនឹងទៅរួមជាមួយលោក Pep Guardiola វិញនៅក្លិប Manchester City ឬក៏ទៅលេងឲ្យ Juventus ចាប់ដៃគូជាមួយ Ronaldo បើសិនជារូបគេចាកចេញមែននោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរឲ្យដឹងដែរថា Messi នឹងចប់កុងត្រាជាមួយក្លិប Barcelona នៅរដូវកាលក្រោយ ហើយរូបគេក៏កំពុងតែរៀប គម្រោងដើម្បីចាកចេញពីក្លិបផងដែរ ដោយសារបច្ចុប្បន្ននេះ Barca កំពុងតែមានទម្រង់លេងធ្លាក់ចុះខ្លាំង ដោយនៅក្នុង៤ប្រកួតចុងក្រោយឈ្នះបានតែមួយប៉ុណ្ណោះនិងស្មើដល់ទៅ៣ដង។ ហើយបើសិនជារូបគេចាកចេញមែននោះ មានក្លិបធំៗមិនតិចទេ ដែលចាំបើកទ្វាស្វាគមន៍។
ប្រសិនបើ Messi ចង់ចាកចេញពី Barca នោះវាច្បាស់ណាស់ថារូបគេកំពុងតែមានបញ្ហាជាមួយក្លិបហើយ។ ខ្ញុំពិតជាមិនសប្បាយចិត្តនោះទេបើសិនជា Messi សម្រេចចិត្តចាកចេញនៅពេលនេះ ប៉ុន្តែខ្ញុំសង្ឃឹមថារូបគេមិនធ្វើបែបនេះទៅចុះ។ ហើយប្រសិនបើពេលដែលចប់កិច្ចសន្យាជាមួយក្លិបរូបគេចាកចេញមែននោះ Messi នៅតែមានសមត្ថភាពអាចទៅលេងនៅ Premier League បានបើទោះបីជាមានអាយុ៣៤ឆ្នាំក៏ដោយ។ ខ្ញុំគិតថាក្លិប Manchester City នឹងបើកទ្វាចាំទទួលរូបគេជានិច្ច ដោយគេអាចនឹងទៅរួមជាមួយលោក Pep Guardiola វិញ។ ជម្រើសមួយទៀតដែលអាចនឹងកើតឡើងគឺ Messi អាចទៅលេងឲ្យក្លិបសេះបង្កង់ Juventus ។ រូបគេអាចធ្វើឲ្យសុបិនរបស់អ្នកគាំទ្របាល់ទាត់ទូទាំងពិភពលោកក្លាយជាការពិត ពោលគឺអាចឃើញ Messi លេងរួមក្លិបជាមួយកីឡាករ Ronaldo។ ហើយប្រសិនបើ Messi មានចំណាប់អារម្មណ៍ចង់ទៅរួមជាមួយ Juventus មែននោះ ខ្ញុំគិតថាក្លិបមួយនេះនឹងចាំទទួលរូបគេដោយមិនស្ទាក់ស្ទើរឡើយ៕
ប្រភព៖ goal
Bong I.T