ដំបូងកូនកំលោះប្រាប់ថា ខ្លួនមានអារម្មណ៍ថាឈឺនៅឯពិធីមង្គលការ។ ប៉ុន្មានថ្ងៃក្រោយមកគាត់បានទទួលមរណភាព ហើយមិនយូរប៉ុន្មានភ្ញៀវជាង ១០០ នាក់បានធ្វើតេស្ត៍រកឃើញកូវីដ១៩នេះ។ ឥលូវនេះមន្រ្តីមានសមត្ថកិច្ចរបស់ឥណ្ឌា បានបើកការស៊ើបអង្កេតលើការប្រមូលផ្តុំកាលពីពិធីមង្គលការដែលអ្នកជំនាញខ្លះ បានហៅថាជាព្រឹត្តិការណ៍ដែលធ្វើអោយមានការរីករាលដាលមេរោគកូរ៉ូណាវីរុស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសាច់ញាតិដែលនៅទីនោះបានអោយដឹងថា ព្រឹត្តិការណ៍នេះបានកើតឡើងនៅពាក់កណ្តាលខែមិថុនា ហើយមានការចូលរួមពីសំណាក់ភ្ញៀវជាង ៣០០ នាក់នៅទីក្រុងផាណាណា ភាគឥសាននៃរដ្ឋប៊ីហារ។ ប៉ុន្តែពីរបីថ្ងៃមុនពិធីរៀបអាពាហ៍ពិពាហ៍កូនកំលោះចាប់ផ្តើមក្អួត ហើយត្អូញត្អែរពីការឈឺក្បាល។ នេះបើយោងតាមសាច់ញាតិម្នាក់ដែលនិយាយ ហើយគាត់មិនប្រាប់រឿងនោះទៅនរណាម្នាក់ឡើយ ព្រោះខ្លាចត្រូវគេរើសអើង។
ប៉ុន្តែប៉ុន្មានថ្ងៃក្រោយ ពិធីនេះបានបញ្ចប់លោកស្រី Sri Kumar Ravi ដែលជាចៅក្រមនៅស្រុក Patna បាននិយាយថា កូនកំលោះបានស្លាប់ប្រហែលជាមកពី Covid-19 ហើយឪពុកម្តាយរបស់គាត់បានបូជាសព។តាមរយៈឪពុកម្តាយរបស់កូនកំលោះបានបដិសេធមិនធ្វើអត្ថាធិប្បាយទេ។
កាសែត The Wire ដែលជាសារព័ត៌មានឥណ្ឌាបានដកស្រង់សម្តីឪពុករបស់កូនកំលោះថាបានបដិសេធថា កូនប្រុសរបស់គាត់មិនបានឈឺមុនពេលរៀបការទេ។ ប៉ុន្តែគាត់បាននិយាយថាសមាជិកនៃក្រុមគ្រួសាររបស់គាត់រួមទាំងគាត់ផងដែរថ្មីៗនេះបានធ្វើតេស្ត៍វិជ្ជមានចំពោះវីរុសនេះ។ ប៉ុន្តែមានភ្ញៀវជាង ១០០ នាក់ទៀតបានធ្វើតេស្តអវិជ្ជមានបន្ទាប់ពីបានចូលរួមមង្គលការនោះ។ ហើយថ្មីៗនេះប្រទេសឥណ្ឌាមានអ្នកឆ្លងច្រើនជាងកន្លះលាននាក់ ហើយមានអ្នកស្លាប់ប្រហែល ១៨.០០០ នាក់គិតត្រឹមថ្ងៃព្រហស្បតិ៍៕
ប្រភព: News York time