ក្ដៅស្លឹកត្រចៀក ប្ដីនៅនឹងមុខ ចៀវៃ បែរជាធ្វើបែបនេះ

តៃវ៉ាន់៖ មួយរយៈនេះ តារាសម្ដែងស្រីដ៏មានប្រជាប្រិយភាព Ruby Lin ហៅ ព្រះនាងចៀវៃ ហាក់ដូចជាទទួលរងនូវការរិះគន់សាជាថ្មី ពីអ្នកលេងបណ្ដាញសង្គមជាច្រើន បន្ទាប់ពីមានធ្លាយរូបភាពជាបន្តបន្ទាប់ ក្នុងសកម្មភាពដែលខ្លួនទៅឱបប្រុសផ្សេង ខណៈដែលមានស្វាមីរួចទៅហើយ។

ម៉្យាងវិញទៀត ថ្មីៗនេះ ស្រាប់តែមានព័ត៌មាន អំពីប្ដីប្រពន្ធមួយគូនេះ ខណៈដែលរូបភាពរបស់អ្នកទាំងពីរត្រូវបានចែកចាយជាបន្តបន្ទាប់ ដែលអ្នកលេងបណ្ដាញសង្គម បានធ្វើការរិះគន់ ព្រមទាំងចម្លែកចិត្តយ៉ាងខ្លាំង ព្រោះនៅក្នុងរូបភាពនោះ អ្នកទាំងពីរ បានទៅចូលរួមក្នុងពិធីខួបកំណើតជាមួយគ្នា តែបែរជាមិនថតរូបនៅជិតគ្នានោះទេ ផ្ទុយទៅវិញ Ruby Lin ហាក់នៅឆ្ងាយពីស្វាមីខ្លាំងណាស់ ហើយថែមទាំងបានឱបប្រុសផ្សេង នៅក្នុងរូបភាពនោះ ទៀតផង។

យ៉ាងណាមិញ គួររម្លឹកផងដែរថា កាលពីថ្មីៗកន្លងទៅមុននេះ នាងត្រូវបានគេរិះគន់ម្ដងរួចទៅហើយ បន្ទាប់ពី នាងបានបង្ហាញពីកាយវិការស្និទ្ធស្នាលជាមួយនឹងប្រុសផ្សេង ជាពិសេស ថែមទាំងមានរូបភាព ដែលនាងមានគម្លាតជាមួយនឹងស្វាមីយ៉ាងខ្លាំង ទោះបីជាថតរូបនៅក្បែរគ្នាក៏ដោយ ៕

សូមទស្សនារូបភាពខាងក្រោម៖