អង់គ្លេស៖ កីឡាករ Marcos Rojo ត្រូវបានគេរាយកាណ៍មកថាកំពុងតែត្រៀមខ្លួនមកធ្វើការហ្វឹកហាត់ជាមួយក្លិប Manchester United វិញហើយ ក្រោយត្រូវបានក្លិបរបស់អាហ្សង់ទីន Estudiantes ខ្ចីជើងទៅរួមក្រុមកាល ពីខែមករានោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករជម្រើសជាតិអាហ្សង់ទីនរូបនេះនៅសល់កុងត្រាជាមួយក្លិប Man Utd ចំនួនមួយរដូវកាលទៀតប៉ុណ្ណោះ ដោយកំពុងតែជាគោលដៅតាមទិញរបស់ក្លិបនៅស្រុកកំណើតខ្លួន Boca Juniors ផងដែរ។
ជាមួយគ្នានេះក្លិប Estudiantes ដែលកំពុងខ្ចីជើង Rojo ក៏មិនទាន់បោះបង់ចោលគំនិត ក្នុងការទិញផ្តាច់ខ្សែការពារវ័យ៣០ឆ្នាំដែរ ដោយក្លិប Man Utd អាចនឹងដាក់លក់កីឡាកររូបនេះក្នុងតម្លៃខ្លួន១៥លានផោន (ឬជិត១៩លានដុល្លារ)។
គួររម្លឹកផងដែរថា Marcos Roja មកចូលរួមជាមួយ Man Utd នៅក្នុងឆ្នាំ២០១៤ដោយផ្លាស់ពីក្លិប Sporting Lisbon របស់ប្រទេសព័រទុយហ្កាល់ ក្នុងតម្លៃខ្លួន១៦លានផោន (ឬ២០លានដុល្លារ)។
ប្រភព៖ sportsmole