អង់គ្លេស៖ ខ្សែប្រយុទ្ធ Sadio Mane របស់ក្លិបហង្សក្រហម Liverpool បានធ្វើការសន្យាជាមួយអ្នកគាំទ្ររបស់ខ្លួនថារូបគេ នឹងមិនទៅណានោះទេ ពោលគឺនៅលេងឲ្យក្លិប Liverpool រយៈពេលវែងបន្តទៀត ទោះបីជាអាច ជួយឲ្យ Liverpool លើកពាន Premier League រដូវកាលនេះហើយក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយឡែកក្លិបអធិរាជស Real Madrid បានតាមចរចាដើម្បីទិញយកកីឡាកររូបនេះទៅរួមក្រុមជាយូរមកហើយ ប៉ុន្តែ Mane បានបញ្ជាក់ថ្មីៗនេះថារូបគេមានគម្រោងរយៈពេលវែងទៀតក្នុងការបន្តលេងឲ្យ Liverpool ។
បន្ទាប់ពីឈ្នះពាន Premier League រដូវកាលនេះរួចមក ជំហានបន្ទាប់ យើងត្រូវតែខិតខំឲ្យខ្លាំងជាងនេះទៅទៀតដើម្បីឲ្យក្រុមរបស់យើងកាន់តែខ្លាំងជាងនេះ។ ប្រាកដណាស់យើងមានកីឡាករនិងក្រុមការងារដ៏អស្ចារ្យ ហើយយើងនៅមានពានជាច្រើនទៀតដើម្បីប្រជែងយកជាមួយគ្នា ដូច្នេះយើងមិនអាចឈប់ត្រឹមនេះនោះទេ។
គួរបញ្ជាក់ដែរថាកីឡាករ Sadio Mane បានផ្លាស់ពីក្លិប Southampton មកចូលរួមជាមួយក្លិប Liverpool នៅឆ្នាំ ២០១៦ ក្នុងតម្លៃខ្លួន៣៤លានផោន (ឬប្រមាណ៤២លានដុល្លារ) ប៉ុន្តែឥឡូវនេះតម្លៃខ្លួនរបស់កីឡាកររូបនេះមិនក្រោម ១០០លានផោន (ឬ១៣៥លានដុល្លារ) នោះទេ។
យ៉ាងណាមិញបើទោះបីជា Liverpool បានឈ្នះពាន Premier League ដោយនៅសល់៧ប្រកួតទៀតក៏ដោយ ក៏ក្លិបមួយនេះនៅមានកំណត់ត្រាមួយចំនួនទៀតដើម្បីបំបែក ក្នុងនោះហង្សក្រហមក៏កំពុងតែព្យាយាមបំបែកកំណត់ត្រារបស់ក្លិប Manchester City ដើម្បីក្លាយជាក្លិបរកបានពិន្ទុច្រើនជាងគេក្នុងមួយរដូវកាលនៅក្នុងប្រវត្តិសាស្រ្តនៃ លីគកំពូល Premier League ៕
ប្រភព៖ metro
Bong I.T